InfoHub Logo

1 jeltoqsan Qazaqstan Respýblıkasynyń Tuńǵysh Prezıdenti kúni - jyl saıyn atalyp ótiletin Qazaqstandaǵy memlekettik meıram. Atalǵan merekeni belgileý 1991 jyly 1 jeltoqsanda ótken búkilhalyqtyq saılaý negizinde boldy. Saılaý nátıjesinde N.Á. Nazarbaev Qazaq KSR Prezıdenti laýazymyna saılanǵan bolatyn. Bul alǵashqy qazaq memleketiniń egemen el retinde qalyptasýyn dáleldeıtin taǵy bir sát bolyp tabyldy. Soǵan oraı Tuńǵysh Prezıdent kúni Respýblıkada 2012 jyldan beri atap ótilip keledi. Bul sheshim Senatorlardyń bastamasymen 2011 jyldyń 10 jeltoqsanynda zańnamalyq deńgeıde qabyldandy. Atalǵan merekeniń basty mańyzy -Qazaqstannyń Tuńǵysh Prezıdenti Nursultan Nazarbaevtyń respýblıka aldyndaǵy kórnekti qyzmetterin atap ótý jáne taný úshin qurylýy edi.

Jalpy qoǵamǵa qyzmet etip, onyń bolashaǵy úshin úlken qadam jasaý el bolashaǵynyń jarqyn qadamy bolary sózsiz. Alǵashqy Elbasy da jańa táı basqan eli úshin kórshilerimen qarym-qatynas ornatýǵa, ishki qaqtyǵystardy sheshýge jáne álemdik arenaǵa múldem jańa memleketti shyǵarýǵa aıanbaı eńbek etti. Qazirgi zaman shyndyǵyna saı keletin jáne halyqtyń dástúrlerin eskeretin jańa Konstıtýsıa jazyldy. Memlekettiń sımvolyna aınalǵan jańa Tý, Eltańba jáne Ánuran jasaldy. Nursultan Nazarbaevtyń bastamasymen Qazaqstan iri halyqaralyq uıymdardyń múshesi boldy jáne basqa elderdegi janjaldy jaǵdaılardy sheshý úshin birqatar beıbit bastamalardy júzege 
asyrdy. Elbasy bir emes birneshe ret Respýblıka aımaqtyq kóshbasshy rólin óz moınyna alyp, shuǵyl máselelerdi sheshýge bar kúsh-jigerin jumsaýǵa nıetti ekenin aıtty. Máselen, Tuńǵysh Prezıdenttiń ıadrosyz álem qurýǵa qosqan úlesi baǵa jetpes. Ol Semeı ıadrolyq polıgonyndaǵy synaqtardy toqtatty. Bizdiń elimiz álemde birinshi bolyp jalpy ıadrolyq qarýsyzdanýǵa naqty qadam jasady jáne basqa polıgondardy birtindep jabýǵa bastamashy boldy. Osylaısha, órkendeý jolynda qarýdyń paıdasyz ekenin dáleldedi.. 

Bul Qazaqstan Prezıdentiniń basshylyǵymen laıyqty júrip ótken qıyn da qıyn jol bolyp tabylady. 

ál-Farabı atyndaǵy Qazaq Ulttyq Ýnıversıtetinda aranaıy Elbasyna arnalǵan Nursultan Nazarbaev zaly bar. Zalda Tuńǵysh Prezıdenttiń 
mekteptegi jáne stýdent kezi, eńbek joly men qoǵamdyq-saıası qyzmeti týraly sýretter, kartınalar, tarıhı qujattardyń kóshirmeleri, gazetterde jarıalanǵan maqalalary men shyǵarmalary jáne beınefılmder qoıylǵan.

Jalpy ýnıversıtetimizdiń úlken kitaphanasynda stýdentterimizge qol jetimdi ál-Farabı mýzeıi ornalasyp, onda «Alash», «Abaı», Qazaqstan  Repýblıkasynyń Tuńǵysh Prezıdenti – Elbasy zaldary, «Uly dalanyń jeti qyry», «Máńgilik el» ekspozısıalarymen tolyqqan. Bul ister ýnıversıttettiń jas urpaq tárbıesinde el irgesin nyǵaıtýshylarǵa qurmet kórsetsin degen pikirden týǵan oı dep sanaımyz. Elbasymyz qazirgi ýaqytta belsendi dara kóshbasshy bolyp qala otyryp, eldiń Qaýipsizdik Keńesiniń tóraǵasy retindegi róli jáne Qazaqstannyń tuńǵysh 
prezıdenti retindegi yqpaly memleket pen aımaqtyń aldaǵy otyz jylǵa laıyqty basqarý nysanyna birtindep jáne tynyshtyqpen kóshýin qamtamasyz etip otyr. Elbasymyzdyń "Bolashaq- jastardyń qolynda!" degen qanatty sózderi kóptegen jalyndaǵan jastarymyzǵa alǵa umtylýǵa serpilis beretini  sózsiz. 

Tarıh, arheologıa jáne etnologıa fakúltetiniń 3 kýrs stýdenti Ýzbehan Alýa
Ǵylymı jetekshi: ál-Farabı atyndaǵy QazUÝ-niń qaýymdastyrlǵan prosesory, t.ǵ.k. Abıkenova G.E.

---