InfoHub Logo

«Qarttarym asyl qazynam»
Tárbıe saǵaty 4 synyp
1 - qazan Qarttar kúnine arnalǵan tárbıe saǵaty
Qosh keldińiz aq jaýlyqty analar,
Aqyl kenin arqalaǵan atalar.
Aldaryńda jaýqazyndaı qulpyrǵan,
Biz alańsyz balǵyn shaqty balalar.
Appaq shashyń kún saıyn qylańdaǵan,
Zeınet emes beınetten arylmaǵan.
Táńirimdeı tabynyp ótem máńgi,
Qarıalar ózińdi el syılaǵan.
El múddesin bárinen bıik qoıatyn, ózinen keıingi izine ergen inilerine izettigin aıamaıtyn, izinen ergen urpaǵyna ulylyǵyn uıalatyp, bir qaýymǵa bas - kóz bola bilgen qarttarymyzdyń orny erekshe. Olaı bolsa, ár halyqtyń boıynda yqylym zamannan beri qalyptasyp ony ózgelerden daralap turatyn, tek ózine ǵana tán qasıetteri bolady. Bizdiń halqymyzdyń sondaı erekshelikteriniń biri – úlkendi syılaý, onyń sózine qulaq asý. Qazaq qarty jasyna laıyq aýyzy dýaly, sózi berekeli, isi tyńǵylyqty, oıy tereń, aqyly tilegeı teńiz bolyp keledi. Mine, osyndaı teńeýge laıyq qarıalardy jylyna bir ret keletin 1 - qazan Qarttar kúnimen quttyqtaı otyryp «Qarttarym asyl qazynam» atty keshimizge qosh keldińizder degim keledi. (paýza). Keshimizdi bastamas buryn sóz kezegin ------- beremiz.

Toı dep búgin shashý shashady
Toı dep búgin álem syryn ashady
Qarttar kúni meıramyna arnalǵan
Bıshiler ónerlerin shashady.
Synybymyzdyń bıshi qyzdaryn sizderdiń qoshemetterińizben ortamyzǵa shaqyraıyq!
(«Qazaq bıi»)

Qadirli ata - ájeler búgingi merekelerińizben shyn júrekten quttyqtaımyz. Sizder jas urpaqqa árqashan tózimdiliktiń, danalyqtyń úlgisi bolyp kelesizder. Sizderge zor densaýlyq, uzaq ǵumyr tileımiz.
Halqymyzda «Bala degen bal eken,» degen sóz bar.
Bala, nemere týraly aqyn Muzafar Álimbaev bylaı deıdi.

Bala degen bal eken,
Bal degeniń bala eken.
Nemereniń boıynda,
Bar jaqsylyq bar eken.
Týǵan balań jaı ǵana,
Demeseń de jat bóten,
Naǵyz bala oılasań.
«Nemere» eken tátti eken.

«Nemere» eken tátti eken. degendeı, kelesi kezekti
oqýshylardyń ata - ájelerine degen jyr shýmaqtaryna berelik.

Sizdersizder búgingi ulyqpandar,
Myń jasaǵan urpaqpen ulyq jandar.
Qarttar tarıh, qazyna, el qazyǵy,
Eı, adamzat, osyny umytpańdar!
«Asyl ájem» áni

Qarttardy qurmetteıtin, olardyń aldyndaǵy perzenttik paryzyn úlken yntamen oryndaıtyn, ádeptilik, kishipeıildilik, sergek sezimtaldyq kórsetý syndy qasıetter qanyna sińip, júregine uıalamaǵan urpaqtan ne opa, ne qaıyr?! Adamnyń ómiriniń máni men sulýlyǵy, adamnyń keleshegine senimdiligi – ol balanyń ata - anasyn ardaq tutyp, óziniń perzenttik qaryzyn bir sátke de esinen shyǵarmaýynda. Qart kisini qut - bereke dep tanysaq – ol urpaq kóregendigi. Urpaǵy qurmettegen ata - ana ár kezde de baqytty.

(Vıdıo jazba)
Ata - ájem maqtanyshym meniń de,
Qonaq bolyp otyr meniń tórimde.
Ózińe arnap bylaı tátti únimmen,
Án salatyn kezim keldi meniń de.
«Týǵan jer» áni
ata, apaılarymyzǵa suraqtar
Sizder qandaı oqýshy boldyńyzdar?
Balalyq shaǵyńyzda kim bolamyn dep armandadyńyzdar?
Sizderge alǵash álippeni ustatyp, bilim nárimen sýsyndatqan alǵashqy ustazdaryńyz kim bolyp edi, jáne de ol kisi nesimen erekshe esterińizde qaldy?
Siz adam boıyndaǵy qandaı qasıetti baǵalaısyz?

Oqýshylardyń ata - áje týraly esselerine kezek berelik
Ata - babań ardaqty,
Jamandyqqa barmapty.
Ardaq tutyp úlkendi,
Ata jolyn jalǵapty.
Sizderden bata berýlerińizdi suraımyz! (Bata).

Qorytyndylaý
Kóp jasaǵan qarıa,
Aqyly teńiz - darıa.
Kóp ónege sózi bar,
Sózi soqpaq, sózi nár.
Ata salty ardaqty,
Árbir sózi salmaqty.
Sol sózderdi uqpasań,
Tistersiń bir kún barmaqty.

mine, balalar, biz ózimizdiń ata - ájelerimiz aldynda qaryzdarmyz. Ol qaryzymyzdy tek jaqsy tárbıe arqyly, adamgershiligi mol, meıirimdi bolý arqyly ǵana, olardy kórgen jerde qurmettep syılaý arqyly ǵana qaıtara alamyz.
Qarttarymyzdy ardaqtap óteıik! Olardy syılańdar, qadirleńder! qarıalardy tek qarıalar kúni eske almaıyq, árqashan jadymyzda júrsiń.
Ózgergen ne?
Adam ba? Álde zaman ba?
Ata – anaǵa degen paryz qalmaǵan ba, adamda,
Eı, adamdar!
Qurmetteńder úlkendi
Odan eshkim kem bolǵan joq ǵalamda!- dep búgingi tárbıe saǵatymyz aıaqtalady.
Kelip qatysqandaryńyzǵa kóp rahmet, kelesi júzdeskenshe saý - salamat bolaıyq!

J. Tashenov atyndaǵy №20 orta mektebi
Synyp jetekshisi: Shaımerdenova A. E.