InfoHub Logo

Qańtar – entýzıastar aıy: kóptegen adam jańa jylda jańa ómir bastaýdy qolǵa alady. Olar sport zaldarǵa jazylyp, dıetanyń jańa túrlerin qarastyrady, ózin-ózi tárbıeleýdiń jańa ádisterin baıqap kóredi.

Biraq aqpan aıy týa salysymen bir kezderi jigerlendirgen rýh óz-ózinen joǵalyp ketedi. Adamdar burynǵy ádetine qaıta salady, sebebi bastapqy motıvasıalyq rýhty qaıtarý óte qıyn.

Mundaı jaǵdaıda ne isteý kerek?

Sizderge rýhyńyzdy kóterip, jigerlendiretin birneshe tıimdi ádisterdi usynamyz.

1-qadam. Jaǵymsyz kózqaras

Tynyshtaý jerge otyryńyz. Birneshe mınýtqa kózińizdi jumyńyz da ózińizge kelesi suraqtardy qoıyńyz:

— Eger dál osy baǵytta qozǵala bersem, 5 jyldan keıin ómirim nege uqsaıtyn bolady?

— Eger men eshteńeni ózgertpeıtin bolsam, men úshin jáne aınalamdaǵy adamdar úshin qandaı jaǵymsyz saldary bar?

Jaǵymsyz ózgeristerdi múmkindigińizshe barynsha jarqyn elestetińiz. Bul sizdi rýhtandyryp, ońtaıly ózgeristerge qadam jasaýǵa kómektesedi.

2-qadam. Pozıtıvti kózqaras

Endi jaǵymdy oılardy ǵana oılap, jaǵdaıǵa basqa qyrynan qarap kórińiz. Biraz ýaqytqa kózińizdi jumyp, ózińizden surańyz:

— Eger osy baǵytty ustanatyn bolsam, bir jyldan keıin ómirim qandaı bolady?

— 5 jyldan keıin she?

— Eger osy joldy ustanatyn bolsam, meniń ómirim jáne aınalamdaǵy adamdardyń ómiri jaqsaratyn bola ma?

Jaýaptaryńyzdy barynsha aıqyn elestetińiz.

3-qadam. Ózindik motıvasıa

Joǵaryda keltirilgen suraqtar arqyly bolashaǵyńyzdy múmkindigińizshe barynsha aıqyn ári tolyǵyraq elestetińiz. Ómirińizge ózgertýler engizý úshin ózińizdiń jeke sebepterińizdi tabý óte mańyzdy.

Mysaly, symbatty dene pishim kóńil kúıińizge jaqsy áser etip, kúshińizdiń tasyp júrýine múmkindik berer edi.

Biraq barynsha iske asatyn motıvasıa tabý úshin biraz ýaqytqa kózińizdi jumyp, jeke sebepterdi izdeńiz.

Mysaly, eger siz densaýlyǵyńyzben aınalyspaıtyn bolsańyz, onda bolashaqta balalaryńyzben oınaýǵa qýatyńyz ben kúshińiz qalmaıtyn bolady.

Qarjylyq shyǵyndarǵa shekteý súıikti adamyńyzben "shetelge" demalýǵa barýǵa múmkindik bola alady.

Al jumysqa qabilettilikti arttyrý arqyly materıaldyq jaǵdaıyńyzdy túzep alýǵa bolady. Bul óz kezeginde otbasyńyz ben balalaryńyzdy qarjylyq máselelerden qutqarady.

Motıvasıa jetispeıtin basqa da isterińizden jeke sebepter izdep tabyńyz. Jeke sebepter sizge qajetti jiger beredi.

Bir paraq qaǵaz alyp, sizdiń jaǵdaıyńyzǵa áser etetin eń mańyzdy sebepterdi jazyp, kózge kórinetin jerge qoıyp qoıyńyz. Bul aınanyń aldy, tońazytqysh nemese jumys ústeli bolýy múmkin.

Berilmeńiz! Cáttilik!

 

---