- 12 mam. 2020 00:00
- 220
11-synyp túlekterine atestat qashan tapsyrylady
11-synyp túlekterine atestat 3-4 maýsymda tapsyrylady.
«Jyl saıyn bul is-shara maýsym aıynyń ortasynda ótkiziletin. Biraq mektep bitirýshileri úshin qorytyndy atestattaý emtıhandary ótkizilmeıtinin jáne UBT-ǵa qashyqtan daıyndalý qajettiligin eskere otyryp, bul is-sharany maýsym aıynyń basyndy ótkizý týraly sheshim qabyldadyq. İs-shara aıasynda saltanatty túrde atestattar tapsyrylyp, 11-synyp túlekteri úshin sońǵy qońyraý soǵylady», - dep málimdedi Bilim jáne ǵylym vıse-mınıstri Sholpan Karınova Facebook-tegi paraqshasynda.
İs-shara mindetti túrde mektep aýmaǵynda, ashyq aýada, qonaqtarsyz, tek túlekterdiń qatysýymen jáne sanıtarlyq normalardy saqtaı otyryp ótýi tıis. Atestat tapsyrý rásimine mektep formasynda kelý usynylady.
Sondaı-aq, saltanatty bólimnen keıin Ekologıa, geologıa jáne tabıǵı resýrstar mınıstrligimen birlesip, aǵash otyrǵyzý aksıasyn ótkizý josparlanyp otyr. Keıingi jyldary mundaı aksıa dástúrli túrde 25 mamyrǵa oraı uıymdastyrylady.