Jańa oqý jyly mektep qabyrǵasynda bastalady dep úmittenemiz — Ashat Aımaǵambetov
Bilim salasyn sıfrlandyrý, qashyqtan okytýdy jetildirýge qatysty Prezıdent mindettegen tapsyrmalar oryndalady.
Bul týraly QR Bilim jáne ǵylym mınıstri Ashat Aımaǵambetov onlaın konferensıada aıtty.
«Kúni keshe memlekettik komısıa otyrysy kezinde Memleket basshysy Qasym-Jomart Toqaev bilim jáne ǵylym salasyna qatysty mańyzdy tapsyrmalar bergen bolatyn. Osy tapsyrmalar aıasyndaǵy jumystar bastaldy. Oqý jyly 25 mamyrǵa deıin qashyqtan oqý formatynda bolady. Bilim baǵdarlamalarynyń mazmunyn ózgertý, sıfrlandyrý máselesi, qashyqtan oqytý tehnologıasyn jetildirý jáne taǵy da basqa berilgen tapsyrmalar boıynsha jumystar júrgiziletin bolady», — deıdi QR Bilim jáne ǵylym mınıstri Ashat Aımaǵambetov.
Mınıstr jańa oqý jyly dástúrli tehnologıa retinde mektep qabyrǵasynda bastalatynyna úmit bildirdi.
«Jańa oqý jyly dástúrli tehnologıa retinde mektep qabyrǵasynda bastalady dep senemiz. Jaz aılarynda da mınıstrlik bilim basqarmalarymen qosa jumystar júrgizetin bolady. Qandaı jaǵdaı bolsa da tótep beretindeı barlyq jumystardy júrgizýimiz qajet. Mektepti balalarymyz da saǵyndy, ata-analar da sony qalaıdy. Pedagogtar de mektepte sabaq berýdi asyǵa kútip júr. Biz, árıne, sondaı jaqsylyqqa senip, daıyn bolýymyz kerek. Kelesi oqý jylyn dástúrli túrde bastasaq degen jospar bar. Degenmen osyndaı jaǵdaı qaıtalanbaıtyn sıaqty bolmaý kerek. Veb-tehnologıa, sıfrlandyrý, qashyqtan oqý máselesin qolǵa alyp, tıisti deńgeıge jetkizýimiz kerek», — deıdi ol.
You Might Also Like
-
11-synyp túlekterine atestat 3-4 maýsymda tapsyrylady.
-
Maýsym aıynan bastap barlyq JOO-lar qujattardy elektrondy túrde qabyldaı bastaıdy. Bul týraly QR Bilim jáne ǵylym mınıstri Ashat Aımaǵambetov onlaın konferensıada aıtty.
