InfoHub Logo

Qazaqstannyń birqatar oblystarynda oqýshylarǵa smartfondardy ustaýǵa tyıym salý máselesi qarastyrylýda. Bul týraly Balalardyń quqyqtaryn qorǵaý komıteti habarlady.

«Birqatar óńirlerde (Almaty qalasynda, Almaty, Aqmola, Atyraý, Aqtóbe, Jambyl, Qyzylorda, Qostanaı, Mańǵystaý, Pavlodar, Batys Qazaqstan, Soltústik Qazaqstan jáne Ońtústik Qazaqstan oblystarynda) mektep oqýshylaryna tek qarapaıym uıaly telefondardy qoldaný týraly másele qarastyrylýda. Bundaı sheshim oqýshylardyń ata-analarymen kelisilgennen keıin qabyldandy», - dep atap ótti komıtet.

Aıta keteıik, «Bilim týraly» Zańy aıasynda oqýshylar mekteptiń ishki tártip erejelerin saqtaýǵa mindetti. Erejelerde olardyń buzýshylyqtary úshin qabyldanatyn sharalar kórsetilgen jáne árbir jaǵdaı ata-analardyń (zańdy ókilderiniń) qatysýymen jeke pedagogıkalyq keńesterde qaralady.

«Komıtet bilim berý uıymdarynda planshetterdi jáne smartfondardy qoldaný týraly atalǵan másele mektepterdiń ishki tártip erejelerimen retteletindigin habarlaıdy. Sonymen qatar, Qazaqstan Respýblıkasynyń zańnamasymen ishki tártip qaǵıdalaryn ázirlep, bekitý jergilikti atqarýshy organdardyń jáne sol bilim berý uıymdarynyń quzyretine jatatyndyǵy bekitilgen», - delingen komıtet málimetinde.

QazAqparat

---