InfoHub Logo

Búgin Almatyda Bilim salasyndaǵy baqylaý departamenti  Óńirlik komýnıkasıalar qyzmetinde baspasóz máslıhatyn ótkizdi.

Departament basshysy Gúlnar Ermekbaevanyń aıtýynsha, Departament quzyryna bilim mekemeleriniń bilim berý qyzmeti sapasyn tekserý kiredi. Onyń ishinde jospardan tys tekserý jeke tulǵalardyń shaǵymyna qatysty júredi.

"Byltyr jospardan tys tekserý barysynda 11 ákimshilik is qozǵaldy. Osy ákimshilik ister boıynsha 306 315 teńge kóleminde aıyppul salyndy.  Tekserý nátıjesinde Ortalyq Azıalyq Ýnıversıtet janyndaǵy Áleýmettik-gýmanıtarlyq kolejdiń lısenzıasy 2 aıǵa toqtatyldy. Bul kolejde aǵylshyn tili durys oqytylmaǵan. Iaǵnı muǵalimniń biliktiligi saı emes. Bul jerde fızıka muǵalimi ınformatıka páninen  berse,  bul biliktilik sáıkessizdigine jatady", - dedi  Gúlnar Ermekbaeva.

Onyń aıtýynsha, Departament jumystarynyń basym baǵyttary -bilim berý qyzmet sapasyn arttyrý, lısenzıalaý máseleleri, mekteptiń bilim berý saıasatyn baqylaý,  lısenzıalaý,  apostıldeý,   memlekettik atestattaýdy júrgizý.

Onyń ishinde jeke tulǵalar kóbine qorytyndy baǵalardy kemitý,  materıaldyq-tehnıkalyq bazanyń jutańdyǵy,  oqytýshylyq bazanyń álsizdigi boıynsha aryzdanady.

QazAqparat

---