InfoHub Logo

2017 jyly Ulttyq biryńǵaı testileý tolyǵymen ózgeredi.

Bul týraly búgin Ortalyq komýnıkasıalar qyzmetinde ótken baspasóz máslıxatynda QR BǴM Bilim jáne ǵylym salasyndaǵy baqylaý komıtetiniń tóraǵasy Saıat Núsipov málim etti.

"Kelesi jyldan bastap, bilim jáne ǵylymdy damytý memlekettik baǵdarlamasyna sáıkes, ulttyq biryńǵaı testileý jetildiriledi jáne transformasıalanady", - dep atap ótti ol.

Onyń sózi boıynsha, UBT kelesi jyly ózgeriske ushyraǵanymen, negizgi ınfraqurylymy men mehanızmderi qalady.

"Eń bastysy, biz tiline, turǵylyqty jerine qaramastan, barlyǵyna JOO-ǵa túsýge teń jaǵdaılar jasaýymyz kerek. Biraq UBT joǵary oqý ornyna túsý úshin ǵana tapsyrylady. Qazirgi ýaqytta barlyq suraqtar rektorlarmen, ata-analarmen talqylanýda. Biz ekzamendi SAT júıesine uqsas etip jasaǵymyz keledi. Iaǵnı biz túlekterdiń bilim deńgeıin anyqtaımyz, sonymen qatar jumys berýshilerge búgingi álemde qajet kompetensıalyq qasıetterine qaraı túlekterdi tańdaýǵa múmkindik beremiz. Sondyqtan UBT mazmuny ózgeredi", - dep atap ótti S. Núsipov.

Aıta keteıik, bıyl memlekettik tapsyrys sany byltyrǵy deńgeımen birdeı, ıaǵnı jalpy granttardyń sany 31 700.

Aǵymdaǵy jyly mektep bitirýshiler sany 121 myń 092 bala, onyń ishinde 83 330  qazaq tilinde oqyǵandar, 37 762 orys tilinde oqyǵandar. UBT-ǵa 86 myń 991 túlek qatysady. Olardyń ishinde 63 021 qazaq tilinde, 23 970 orys tilinde oqyǵandar. UBT formaty 2016 jyly ózgerissiz qalady. Ol 2 jáne 15 maýsym aralyǵynda ótedi. 

---