InfoHub Logo

0 synyp bes jastaǵy balalardyń júz paıyz birinshi synypqa daıyndalýyna jaǵdaı jasaıdy. Bul týraly búgin QR Parlamenti Senatynda ótip jatqan «Orta bilim berý júıesiniń jaı-kúıi, problemalary jáne zańnamalyq  retteý perspektıvalar» taqyrybyna arnalǵan parlamenttik tyńdaý barysynda QR Bilim jáne ǵylym mınıstri Erlan Saǵadıev  aıtty.

«2019 oqý jylynan 0 synypty engizý. Ol  0+11, ıaǵnı on eki jyldyq bilim berý júıesine kóshýge arnalǵan. 0 synyp bes jastaǵy balalardyń júz paıyz birinshi synypqa daıyndalýyna jaǵdaı jasaıdy. Álippege kelsek, 0 synypqa arnalǵan bazalyq oqýlyq jalpy daıyn. Synaqtan ótip otyr. Kelesi jyly muǵalimderdi daıyndaý jumysy bastalady», - dedi mınıstr.

Sonymen qatar ol byltyrǵy jyly bastalyp ketken jańarǵan bilim berý mazmunyna kezeń-kezeńimen kóshý júrgiziletindigin aıtty. Osy jyly qosymsha 2, 5, 7 synyptar kóshedi. Kelesi eki jylda jańarǵan mazmunǵa barlyq synyp tolyqtaı kóship bolady. 

Mınıstr jańarǵan mazmunnyń máni tek bilý emes, sonymen qatar bilimdi ómirde qoldana bilý ekendigin atap ótti.

«Bes kúndik oqý aptasy normalary bekitilgen. Biraq mektep jaǵdaıyna jáne tıpine qaraı barlyǵyna birdeı engizý qıyn bolyp tur. Búgingi kúni barlyq mektepterdiń 85 paıyzy tolyǵymen, 1-11 synypqa deıin kóshti. Bizde 300-ge jýyq lıseıler men gımnazıalar bar, onda bir aptada qosymsha segiz sabaqqa deıin beriledi. Olardyń joǵary synyptary bes kúnde barlyǵyn qamtı almaıdy. Alaıda gımnazıa mektebine berý ata-analardyń óziniń qalaýy. Sabaqtardyń uzaqtyǵy 45-ten 40 mınýtqa qysqarǵanyna qaramastan úsh aýysymda oqıtyn mektepterge de óte qıyn bolyp tur. Bul másele tek úsh aýysymdy mektepterdiń qysqarýymen ǵana sheshiledi», - dedi E.Saǵadıev.

Derekkóz: QazAqparat

---