Úkimet ustazdardyń tabysyn qalaı kóterý qajettigin oılastyrýy tıis - Toqaev
Úkimet ustazdardyń tabysyn qalaı kóterý qajettigin oılastyrýy tıis. Bul týraly búgin QR Parlamenti Senatynda ótip jatqan «Orta bilim berý júıesiniń jaı-kúıi, problemalary jáne zańnamalyq retteý perspektıvalar» taqyrybyna arnalǵan parlamenttik tyńdaý barysynda Senat Tóraǵasy Qasym-Jomart Toqaev aıtty.
«Mekteptegi bilimniń damýyna tejeýshi bolyp otyrǵan faktor - ustaz kásibi mártebesiniń tómen bolýy. Búginde bilim berý salasy qyzmetkerleriniń jalaqysy eń tómengi jalaqy deńgeıinde qalyp otyr. Ol respýblıkalyq ortasha deńgeıdiń 66 paıyzyn quraıdy. Úkimet ekonomıkalyq múmkinshilikterdi eskere otyryp, ustazdardyń tabysyn qalaı kóterý qajettigin oılastyrýy tıis. Bul óte mańyzdy. Sebebi mekteptegi reformalardyń tabysty bolýy pedagogıkalyq joǵary oqý oryndaryna tikeleı baılanysty», - dedi Senat spıkeri.
Sonymen qatar ol biliktiligi joǵary ári yntalandyrylǵan ustaz orta bilim berý júıesiniń tabysty bolýynyń kepili ekendigin basa aıtty.
«Biz muǵalimderdi memlekettik nagradalarmen, syıaqylarmen belsendi yntalandyryp, olardyń eńbegin buqaralyq aqparat quraldarynda nasıhattaýǵa tıispiz», - dedi Qasym-Jomart Toqaev.
Derekkóz: QazAqparat
You Might Also Like
-
Kórshimiz, Shaqtaı aqsaqal,áldene toly kónetoz sómkesin arbaǵa salyp jatyp shesheme:
-
0 synyp bes jastaǵy balalardyń júz paıyz birinshi synypqa daıyndalýyna jaǵdaı jasaıdy. Bul týraly búgin QR Parlamenti Senatynda ótip jatqan «Orta bilim berý júıesiniń jaı-kúıi, problemalary já...
