InfoHub Logo

2022 jyly Balalardyń ál-aýqat ındeksi engiziledi. Bul týraly QR Bilim jáne ǵylym mınıstri Asqat Aımaǵambetov Facebook paraqshasynda jazdy.

«2022 jyly Balalardyń ál-aýqat ındeksi engiziledi. Ol balalardyń ómir súrý jaǵdaıy men densaýlyǵy, bilim, áleýmettený, otbasy men qoǵam syndy mańyzdy salalar boıynsha kórsetkishterdi anyqtaýǵa septigin tıgizedi. Onyń negizinde balalardyń quqyǵyn qorǵaý boıynsha qalalardyń, aýdandardyń, aýyl-aımaqtardyń reıtıńi túziledi. Bilim alýdyń qaýipsiz jaǵdaılaryn jasaý úshin ár bilim berý uıymyn beınebaqylaý jáne qajetti zattarmen jabdyqtaý máeleleri qarastyrylyp jatyr. Býllıng, sýısıd problemalaryn sheshý erekshe nazardy qajet etedi. Balalardy zıandy aqparattan qorǵaý — óte mańyzdy. Kıbermádenıet pen kıbergıgıenany qalyptastyrý taqyryby mektep baǵdarlamasyna engizilýi kerek», — dedi mınıstr.

Asqat Aımaǵambetov «Jýsan» operasıasynyń aıasynda soǵys bolyp jatqan elderde qalyp qoıǵan balalar elge qaıtarylǵandyǵyn, ınternat uıymdarynda tárbıelenip jatqan balalardyń qaýipsizdigin qamtamasyz etý áli de ózekti másele bolyp otyrǵandyǵyn basa atap ótedi.

«QR Úkimeti janyndaǵy vedomstvoaralyq komıtettiń -tiń kámeletke tolmaǵandardyń isteri men olardyń quqyqtaryn qorǵaý boıynsha kezekten tys otyrysynda barlyq memlekettik organǵa tárbıelenýshiler úshin qaýipsiz jaǵdaı jasaý tapsyrmasy berildi. Qamqorshylyq keńesterge erekshe nazar aýdarylyp otyr. Onyń quramynda azamattyq qoǵam ókilderiniń bolýy da mańyzdy. Olardyń qyzmetteriniń ashyqtyǵy men aıqyndyǵy qoǵamdyq baqylaý ornatýǵa múmkindik beredi», — dedi ol.

Mınıstr kámeletke tolmaǵandardyń isteri boıynsha komısıa jumysy túbegeıli ózgeretindigin de atap ótedi.

«Qazirgi tańda bul organdardyń múmkindikteri tıimdi qoldanylyp jatqan joq. Qoǵam tarapynan komısıalardyń quzyretin keńeıtý boıynsha naqty usynystar aıtylǵan bolatyn, olar nazarǵa alyndy», — dedi Asqat Aımaǵambetov.

---