InfoHub Logo

Arman degen sózdi estigende sizder de qandaı sezim ushqyny paıda bolady?"Arman, áı arman-aı oryndalmas qoı"-dep  oılaıtyndar bar shyǵar,sirá. Kóp adam  armandaýdy qıaldaýmen shatastyryp jatady. Joq,bul eki uǵymnyń arajigin ajyrata bilý kerek. Arman men qıal uqsas uǵym bolǵanymen túptep kelgende, maǵynalary jer men kókteı.
Qıaldaý-tym áserelep ketetin sezim. Ol aıaqasty  oıda sap etedi de,janǵa jaqsy sezim syılap ketedi. Qıaldyń shegi joq,kimniń neni qıaldap jatqanyn bilmeısiń. Kez kelgen fantasıka janryndaǵy  fılmderdi alsańyz (Garrı Poter)taza qıaldaýdyń deńgeıinen týǵan  dúnıeler bolyp tabylady. Qıal-eshqashan oryndalmaıtyn faktor. Biraq,oılap qarasańyz bizdiń emosıalarymyzdy sondaı ózgertip, ıgere alady. Mundaı  janryndaǵy kınolar álemdi bılep turǵany aqıqat. Qazirgi zaman talabyna saı jazýshylar men senarısterdiń eń basty fıshkasy qıaldaýdan týyp otyrady.
Arman-ol óte shynaıy dúnıeni elestetý. Adamda arman paıda bolsa eshqashan sónbeıtin shoq tárizdi máńgilik qýatpen ómir súredi. (Nege shoq tárizdi deıtin shyǵarsyzdar ). Shoq-janyp bitken ottyń sońy bolǵandyqtan  óte ystyq bolatyny  belgili. Armany bar adamda da  qyzynǵan shoq sekildi armanǵa jetý ústinde árket jasaýmen júredi. Eshbir tynbaıdy,eshbir sharshamaıdy. Óz –ózine senimsiz,armanynyń shyńyna jetýge jasqanshaq ,naǵyz qorqaq adamdaǵy arman  shoǵy byqsyǵan kúl bolar... "Armandar oryndalady,Maqsatyń aıqyn bolsa "-búginginiń motıvasıasy desek te bolady. Aty shýly ártister men blogerlerdiń qandaı da bir  armandary oryndalǵanda, dálel bolatyn sýretterimen osy qanatty sózdi paıdalana otyryp, oqyrmandaryna motıvasıa retinde kishigirim posttaryn shyǵaryp jatady. Iá,olardyń nendeı nárseni armandap,qandaı áreket jasaǵany týraly posttar aýdıtorıany qyzyqtyrmaı qoımaıdy. Óıtkeni sol postty oqyǵan kez kelgen adamnyń da  armany bar,ol da armanyna jetkisi keledi. Múmkin maqsatyn aıqyndaı almaı júrgen bolar.Armanynyń oryndalǵany týraly postty oqı otyryp,ózindegi senimdiligi, boıyndaǵy qýaty arta túsedi. Ózime tanys jaǵdaı bolǵan soń senimdi túrde osylaı aıta alamyn. Meniń de armandarymnyń sany sheksiz. Kishigirim armandarym men  naǵyz shyńdy ańsaıtyn armandarym  jeterlik. Bul taqyrypty jazýǵa ózime jaqyn adamnyń armandaý  jaıly aıtqan sózderi  sebep bolǵan edi. Onyń oıynsha: "Armandaý- ol qıaldaý, ıaǵnı oryndalmaıtyn nárse búgingimen ómir súrý kerek deıdi. Armanyń bolǵan kúnniń ózinde,armanyńa jetý jolynda eńbektenip, baǵyń janbaı qalsa naǵyz sarsań sonda bolmaq. "Júgirgen jetpeıdi,buıyrǵan ketpeıdi"búgingimen ómir súremin deıdi". Qaı jaǵynan  oılasa da óz oıy,árıne...
"Júrip ketseń jetersiń,turyp qalsań tynarsyń"búgingi kúndi qadir tut, biraq ol kúnmen ǵana ómir súrý  buǵaýda ómir súrýmen birdeı bolmaq. Bolashaqqa ýaqytpen júrip kete almaımyz. Sondyqtan  syrly  keleshekti oıymyzdaǵy  armanymyzben,alǵa qoıǵan maqsatymyzben  elestetip kóreıikshi. Armanym oryndaldy dep bolashaqty elestetip otyrýdyń ózi qandaı raqat!"Qalaı oılasań mindetti túrde solaı bolady". Armanyma jete almaımyn dep táýekel ete almaǵan adamnyń da oıyndaǵysy bolar. Óıtkeni adam balasy oıyndaǵy nárselerge kiriptar keledi. Sondyqtan myń jyl ǵumyr keshsek te, armandaýdy doǵarmaıyq!
Ahýnbaı Aıǵanym Samatqyzy                                     

 

---