InfoHub Logo

Qazirgi kúnigi túsinigimizde bul sózdiń túpki maǵynasy-qýanyshty jaǵdaıǵa baılanysty el shaqyrylyp ótkiziletin jıyn, oıyn-saýyq ortasy degendi bildiredi. Ár qazaq úshin toı - maqtanysh, jetistik, aq dastarhan basynda týǵan-týyspen bas qosý. Atalyp ótip jatqan qýanyshymyzǵa oraı izgi tilekterdi estip, janymyz jadyrap, jaqsylardyń batasyn alý desekte qate emes. «Osy ulymdy aman-esen úılendirip, qyzyǵyn kórsem armanym joq», «Qyzymdy qutty jerine abyroımen uzataıyq», «Ár balanyń óz nesibesi bar, bulda óterde keter» degen sózder biz úshin úırenshikti jaǵdaı-aq. Sebebi toı jasaı almaý - qazaq úshin namys. Buǵan dálel retinde myna bir án mátini «Balasyna bir toı jasap bere almaı,
Ómirden ótip ketti qansha adam» saıma saı kelgendeı. Deı turǵanymen ómirde bir bolatyn toı dep bar jıǵan tergenimizdi jarata salamyz. Oǵan da kóńilimiz kónshimeı, esh yqtıarsyz bank  qyzmetkeriniń esigin qaǵamyz. Toı shyǵynynan bólek arnaıy shaqyrtýmen keletin estrada juldyzdarynyń áńgimesi bir bólek. Qoıylǵan talabyna saı tulǵalardyń  kelisi men ketýimen qatar jatyn oryndary syndy shyǵyndary taǵy bar. Kúnder zýlap, aı basy kórine bastaǵan kezde qaryzdyń óteler ýaqyty taıap, januıadan bereke qashady. Arty  aıhaı-shýǵa ulasyp, sońy jas otbasynyń ajyrasý máselesimen aıaqtalady.

Degenmende adam sanasyna lám-mım deýge eshkimniń joq haqysy! Oılanyńyz, kórpeńizge qaraı kóselińiz!

Atyraý qalasy
Halel Dosmuhamedov atyndaǵy Atyraý memlekettik ýnıversıtetiniń 4 kýrs stýdenti
Ǵarıfolla Shyryn
Jýrnalısıka mamandyǵy

---