InfoHub Logo

Taqyryby: 4 - ke kóbeıtý jáne bólý kestesi
Maqsaty:
a) bilimdilik: Oqýshylardy 4 - ke kóbeıtý jáne bólý kestesimen tanystyrý. Kóbeıtý jáne bólý arıfmetıkalyq amaldardyń mánin ashý. Sandy 4 - ke kóbeıtý kestesin qurastyrý, 4 - ke bólý kestesin qurastyrý ustanymyn úıretý.
á) tárbıelik: Berilgen tapsyrmalardy oryndata otyryp, oqýshylardy belsendilikke, uqyptylyqqa, uıymshyldyqqa tárbıeleý.
b) damytýshylyq: Sabaq barysynda oıyndar arqyly oqýshylardyń tanymdyq belsendiligin arttyrý, logıkalyq oılaýyn qalyptastyrý, matematıka sabaǵyna qyzyǵýyn damytý.
Sabaqtyń tıpi: Jańa bilimdi meńgertý
Sabaqtyń túri: Saıahat sabaq (toppen jumys)
Sabaqtyń ádisi: oıyndar, logıkalyq tapsyrmalar, shyǵarmashylyq jumystar
Kórnekiligi: sýretter, kóbeıtý kestesi, fıgýralar, oqýlyq, syzba kesteler
Pánaralyq baılanys: sýret, dúnıetaný, eńbek, ana tili

Sabaqtyń barysy:
İ. Uıymdastyrý kezeńi:
1. Sálemdesý.
2. Oqýshylardyń qural - jabdyǵyn tekserý.
3. Oqýshylardyń nazaryn sabaqqa aýdarý.
Psıhologıalyq daıyndyq
Shyryldady qońyraý,
Biz sabaqty bastaımyz.
Partamyzǵa otyryp,
Ózara kóz tastaımyz.
Tabys tilep kózbenen –
Jańa bilim alýǵa
Alǵa qadam attaımyz.

İİ. Úı tapsyrmasyn suraý:
№3 - tapsyrma
5, 6, 12, 14, 24, 8, 9 sandarynyń ishinen: 2 sanyna, 3 sanyna bólinetin sandardy jaz.
6: 2=3 --------------- 6: 3= 2
12: 2= 6 --------------- 12: 3= 4
14: 2= 7 --------------- 24: 3= 8
8: 2= 4 --------------- 9: 3= 3
24: 2= 12
İİİ. Úı tapsyrmasyn pysyqtaý:
1. Synyp oqýshylaryn 2 topqa bólý.
2. Sandardy, amaldardy, teńdikti paıdalanyp, órnek qurastyrý arqyly toptyń atyn shyǵarý.
Muǵalim:
- Biz orman ishin aralap júrip kelemiz. Bul ne ǵajap! Orman múlde ózgergen. Jazdaǵy jap - jasyl túsi sup - sur bolǵan. Aıaq astyna qaraı qalsań, jerge sary kilem tóselgen sıaqty. Sary kilem dep otyrǵany ne balalar?
- Japyraqtardyń túsýi.
- Bizdiń synypta da japyraqtar túsýde. Jel soqty da japyraqtar ushyp ketti. (Balalardyń partasynyń ústine sandar jazylǵan japyraqtar túsedi) Biraq bul erekshe japyraqtar. Olarǵa órnekterdiń mánderi jazylǵan. Máni senderdiń japyraqtaryńda jazylǵan órnekterdi tabyńdar.

Tapsyrmalar:
İ top ------------ İİtop
3*3 ------------- 4*3
6*2 ------------- 18: 3
27: 3 ------------ 3*7
24: 3 ------------ 16: 2

(Balalar taqtaǵa shyǵyp, ózderindegi japyraqtardy tıisti órnektiń qasyna bekitedi)

İÚ. Jańa sabaqty meńgertý:

№1 - tapsyrma
Teńdiktiń oń jaq jáne sol jaqtaryn salystyr. Nege aldyńǵy órnektiń mánine qaraǵanda kelesi órnektiń máni 4 - ke artyq?
4*4=4+4+4+4
4*5=4+4+4+4+4
4*6=4+4+4+4+4+4
..............................
№2 - tapsyrma
4 - ke kóbeıtý kestesi qalaı qurylǵanyn túsindir. 4 - ke kóbeıtý kestesin tolyqtyr.
4*4=16 ------------- 5*4=4*5 -------------- 5*4=20
4*5=20 ------------- 6*4=4*6 -------------- 6*4=24
4*6=24 ------------- 7*4=4*7 ------------- 7*4=28
.......... 8*4=4*8........

4 - ti kóbeıtý kestesi 9*4=4*9 4 - ke kóbeıtý kestesi
№3 - tapsyrma
4 - ke bólý kestesin qurǵanda nege 4 - ke kóbeıtý kestesin paıdalanýǵa bolady?
16: 4= 4, ----- sebebi 4*4 =16 ---------- 4 - ke kóbeıtý kestesi:
20: 4= 5, ----- sebebi 5*4= 20 ------------ 16: 4 =4
................... 20: 4= 5
................... 24: 4= 6
................... 28: 4= 7
................... 32: 4= 8
................... 36: 4= 9
Ú. Jańa sabaqty meńgergenin tekserý:
- Orman ishin aralap biraz júrgen soń áp - ádemi tıin kórindi. Ol ózi otyrǵan aǵashtyń butaqtaryna sańyraýqulaqtardy ilip jatyr. Tıin ýaqytyn bosqa ótkizip otyrǵan joq. Ol qyzý eńbek ústinde. Biz de tıinge kómekteseıikshi. Ol úshin №4, 5 - tapsyrmalardy oryndaýymyz kerek.
№4 - tapsyrma
Bos orynǵa tıisti sandardy qoı:
№5 - tapsyrma
Bos orynǵa tıisti sandardy qoı:
- Biz tapsyrmalardy durys oryndaı otyryp, tıinge sańyraýqulaqtar jınap berdik. Ol bizge alǵysyn bildirip jatyr. Orman ishin odan ári aralap kóreıik. Dóńesteý bir jerden úp - úlken apan kórinedi. apannyń aınalasynda qaraıyp shirigen japyraqtar men taza topyraq jatyr. Bir kezde álgi apannan bir aıý shyǵa keldi. Ol da qysqa daıyndalyp júr. Apanyn tazartyp, uıyqtaıtyn jerine taza japyraq tósep júr. Aıýǵa kómektesemiz be? Onda №6, 7 tapsyrmalardy oryndaıyq.

Úİ. Jańa sabaqty bekitý:
№6 - tapsyrma
Kesteni toltyr:
Kóbeıtkish -------------------- 4 ------- 4 ------- 4 ----- 4 ------- 4 ------- 4
Kóbeıtkish -------------------- 2 ------- 4 ------- 6 ----- 5 ------- 3 ------- 8
Kóbeıtindiniń máni

Sergitý sáti:
Bir, eki, turaıyq,
Alaqandy uraıyq,
Júgireıik, júgireıik,
Aıaqty ushynan basaıyq.
Sańyraýqulaqtaı otyryp,
Emendershe turaıyq.
Turaıyq, otyraıyq,
Turaıyq, otyraıyq,
Partamyzǵa jaıǵasaıyq, typ - tynysh.

№7 - tapsyrmany aýyzsha oryndaý.
- Jaraısyńdar, balalar! Aıý senderge alǵysyn bildirip jatyr. Ári qaraı saıahatymyzdy jalǵastyraıyq. Myna zytyp kele jatqan ne eken?
- Qoıan.
- Balalar, qoıannyń da bizge ótinishi bar eken. Iaǵnı, ol bizden qyryqqabat jınap kómektesýimizdi surap otyr. Ol úshin №8, 9 tapsyrmalardy oryndaýymyz kerek eken.
№8 - tapsyrma: Teńdeýlerdi shesh:
a*4= 16
h: 4= 6
4*s= 24
36: h= 4

№9 - tapsyrmany aýyzsha oryndatý.
1. R= (4+4)*2= 16sm
2. R =24, 32, 28sm teń sharshylardyń qabyrǵasynyń uzyndyǵyn tap.
24: 4= 6sm
32: 4= 8sm
28: 4= 7sm
- Minekı, balalar tapsyrmalardy durys oryndaı otyryp, qoıanǵa da kómektestik. Ol da bizge rıza.
Shyǵarmashylyq tapsyrma:
№10 - tapsyrma
22sm - 6sm =16sm
16sm: 2= 8sm

Úİİ. Sabaqty qorytyndylaý:
- Qazir bárimiz birge «Baqytty otarba» oıynyn oınaıyq. Oıyn sharty boıynsha berilgen tapsyrmalardy durys oryndaýymyz kerek. Eger tapsyrmalardy durys oryndaı alsaq, úıimizge tez jetemiz.

Tapsyrma: Myna san shyǵý úshin, 4 - ti neshege kóbeıtý kerek? (mysaly, bala 20 - ny tańdap alady. 20 shyǵý úshin 5*4 degeni qajet. t. s. s.)

Úİİİ. Úıge tapsyrma:
№11 - tapsyrma: Amaldardy orynda:
6*4 --------- 4*9 ---------- 5*4 ---------- 9*4 ----------- 8*4
16: 4 ------- 32: 4 -------- 36: 4 -------- 28: 4 ---------- 24: 4
4*8 --------- 4*7 ---------- 4*7 ---------- 4*4 ------------ 20: 4
İH. Baǵalaý.