InfoHub Logo

1. Ferma qojaıyny tyshqan aýlaıtyn qaqpan qoıypty. Ony baıqaǵan tyshqan kórgen-bilgenin taýyqqa, qoıǵa jáne sıyrǵa jetkizedi. Al olar bolsa: «Qaqpan — seniń problemań! Bizge onyń esh qatysy joq! Óz sharýańdy óziń shesh» dep tyshqandy sóıletpeı tastaıdy.
Keshkisin, qaqpanǵa jylan túsip, fermerdiń áıelin shaǵyp alypty. Kúıeýi áıeli jaqsarsyn dep, taýyqty soıyp, sorpa daıyndap beripti. Al áıeldiń jaǵdaıyn surap kelgen qonaqtarǵa qoıdy soıady. Jaǵdaıy nashar áıel qaıtys bolady. Al sadaqa ótkizýge sıyrdy soıady.
Osy kórinistiń barlyǵyn tyshqan óz ininen qarap otyrypty...
Túıin: Ózińizge tikeleı qatysy joq sharýanyń, sizge múldem kesiri tımeıdi dep oılaý — úlken qatelik.

2. Búrkit bıik taldyń basynda otyr eken. Kóńili toq, abyroıy bar búrkittiń eshteńe istemeı otyrǵanyna qyzyqqan qoıan, búrkitke:
— Men de siz qusap, eshteńe istemeı otyrsam bola ma? — deıdi.
— Árıne bolady. Taldyń túbine otyra ǵoı, — deıdi búrkit.
Taldyń túbine jaıǵasqan qoıandy, túlki jep qoıypty.
Túıin: Eshteńe istemeı dem alý úshin — uzaq eńbek jasap, abyroıly bolý kerek! Sonda ǵana, túlki syndylardyń tisi batpaıtyn bolady...

3. Fermada jylqy aýyryp qalady.
Dáriger:
— Jylqyǵa dári ektim. Eger tańerteń oıanbaı qalsa, óldi dep esepteı berińiz, — dep fermerge aıtyp ketedi.
Tań atty. Jylqy oıanǵan joq. Qasynda jatqan qoı:
— Dosym tursańshy! Áıtpese, sen ólesiń, — dep jylqyny oıatyp alypty.
Fermer:
— Mine keremet! Men óte qýanyshtymyn! Bul jaǵdaıdy atap ótý kerek, — dep qoıdy soıypty.
Túıin: Ózińizge qatysy joq iske — eshqashan aralaspańyz. Biraq, qaqpan týraly áńgimeni de umytpaǵanyńyz jón!

4. Jumys istep jatqan úsh jigitti kórdim. Biri tas shaýyp jatyr, ekinshisi nusqaý berip jatyr, al úshinshisi jaı qarap tur eken. Olarǵa:
— Ne istep jatyrsyńdar? — degenimde, biri:
— Qınalyp, jumys istep jatyrmyn, — dedi.
— Men jumys jasatyp, aqsha taýyp jatyrmyn, — dedi ekinshisi. Al úshinshisi:
— Al men — Záýlim saraı salǵyzyp jatyrmyn, — dedi.
Túıin: Armany joq adamdy — armany bar adam basqarady.

5. Taksı júrgizýshisi tanymal mıllıonerdi mingizipti. Úıine jetken mıllıoner, taksıge 500 teńge ǵana beredi.
Taksıst:
— Men keshe sizdiń ulyńyzdy osy úıge ákeldim. Ol maǵan 2000 teńge artyq berdi de, qajetińe jarat dep qýantqan edi.
— Men ol sıaqty artyq aqsha jumsamaımyn! Sebebi, onyń ákesi — mıllıoner bolsa, men — jetimmin.
Túıin: Mańdaı termen tapqan tabysyn, eshkim artyq jumsamaıdy.

---