InfoHub Logo

1. Erte turýdy
Tabysty adamdar, ádette, erte turýǵa daǵdylanǵan adamdar. Álemniń oıanatyn sátine deıingi beıbit kezeń – bul kúnniń eń mańyzdy, shabyttandyratyn jáne tynysh bóligi. Ózine osy ádetti ashqandar, kúndelikti tańǵy 8-9-da turǵanǵa deıin tolyqqandy ómir súrmegenderin aıtady.

2. Berilip kitap oqýdy
Eger teledıdar nemese kompúter aldynda maqsatsyz otyrýdyń tym quryǵanda bir bóligin paıdaly jáne jaqsy kitap oqýǵa arnasańyz, dostaryńyzdyń arasynda siz eń bilimdi adam bolasyz. Kóp nárse ózdiginen oryndala bastaıdy. Mark Tvenniń tańǵajaıyp sózi bar: “Jaqsy kitap oqymaıtyn adamnyń kitap oqı almaıtyn adamnan esh artyqshylyǵy joq”.

3. Qajetsiz dúnıeden arylýdy
Qysqarta bilý – demek qajetti dúnıeni aıtý úshin qajetsizdiń bárinen arylý. Qysqartýǵa keletin jáne qysqartýǵa qajettiniń bárin qysqarta alý mańyzdy. Dál osylaı paıdasyz dúnıeden de arylý kerek. Al muny elep tazalaý ońaı emes – bul uzaq tájirıbe men danalyqty talap etedi. Biraq bul úrdis oılaryńyz ben sezimderińizdi mańyzsyz dúnıelerden tazartady, sonymen qatar ýaıym men kúızelisti azaıtady.

4. Kidirýdi
Udaıy jumysbastylyq, kúızelis pen apyr-topyrdyń ortasynda ómirden lázzat alý múmkin emes. Óziń úshin tynysh ýaqytty taba bilý kerek. Bir sát kidirip, ishki daýysyńyzǵa qulaq salyńyz. Kidirip, mańyzdy dúnıelerge nazar salyńyz. Eger siz erte turýdy ádetke aınaldyra alsańyz, dál sol ýaqytty osyǵan arnaı alasyz. Bul sizdiń ýaqytyńyz – keń tynystaýǵa, oılanýǵa, medıtasıalaýǵa, ıdeıalar týdyrýǵa arnalǵan ýaqyt. Kidirińiz – sonda siz umtylǵannyń bári ózi keledi.

5. Jattyǵýdy
Belsensiz ómir ár adamnyń densaýlyǵyn qurtatyny anyq, sáıkesinshe udaıy fızıkalyq jattyǵýlardyń paıdasy zor. Fızıkalyq jattyǵýlarǵa ýaqytym joq dep oılaıtyndar, erte me, kesh pe aýyrýǵa ýaqyt tabady. Sizdiń densaýlyǵyńyz – bul sizdiń jetistigińiz. Janyńyzǵa jaqyn baǵdarlamany tabyńyz – sportpen úıden shyqpaı-aq, jattyǵý zalyna barmaı-aq aınalysýǵa bolady (mysaly, júgirý).

6. Kúndelikti mashyqtanýdy
Adam kóbirek daǵdylanǵan saıyn joly bolǵysh bola bastaıtyny baıqalǵan. Bul kezdeısoqtyq dep oılaısyz ba? Joly bolý – bul tájirıbeniń múmkindiktermen toǵysatyn jeri. Daryndy adam tájirıbesiz ómir súre almaıdy. Tipti darynnyń da asa qajeti bolmaıtyn kezder bolady – ábden jattyqqan ıkemdilik muny almastyra alady.

7. Ortaǵa mán berýdi
Bul eń mańyzdy ádet. Tabysyńyzdy basqalarǵa qaraǵanda dál osy jedeltedeti. Ideıaǵa toly, entýzıast jáne pozıtıvti orta – eń myqty demeý. Dál solardyń ortasynan siz paıdaly keńesterdi, qajetti túrtkini, úzdiksiz qoldaýdy tabasyz. Ózińiz oılańyzshy, jumysyn jek kóretin adammen áńgimelesý túńilý men kúızelisten basqa ne beredi? Ómirde jetistikke jetý múmkindiginiń deńgeıi ortańyzdyń jetistik deńgeıine tikeleı baılanysty.

8. Tabandylyq tanytyńyz
Ýolt Dısneıge Dısneılendtiń negizin salý úshin 303-shi bank qana fond usynýǵa kelisim bergen. Stıv MakKerrı “The Afgan Girl” shedevr sýretin túsirgenge deıin 35 jyl ishinde mıllıondaǵan sýret túsirgen. Dj. Kenfıld pen Mark V. Hansenniń «Janyńdy emdeıtin taýyq sorpasy» kitaby mega-bestseller bolǵanǵa deıin 134 baspa ony basýdan bas tartqan. Edıson elektrlik sham shyǵarǵanǵa deıin 10 000 sátsiz talpynys jasap kórgen. Zańdylyqty baıqaısyz ba?

---