InfoHub Logo

1992 jyly 7 mamyrda Qazaqstan Prezıdenti N.Á.Nazarbaev «Qazaqstan Respýblıkasy Memlekettik Qorǵanys komıtetin Qazaqstan Respýblıkasynyń Qorǵanys mınıstrligi etip qaıta qurý týraly», «Qazaqstan Respýblıkasynyń Qarýly Kúshterin qurý týraly» jáne alǵashqy Qorǵanys mınıstri etip general polkovnık S.Q. Nurmaǵambetovty taǵaıyndaý týraly jarlyqtarǵa qol qoıdy. Bul kún Qazaqstannyń derbes Qarýly Kúshteriniń qurylǵan kúni bolyp qaldy. 7 mamyr — Otan qorǵaýshylar kúni. Memlekettik demalys kúni bolyp atalady.

1992 jyly Qazaqstan Respýblıkasynyń Prezıdenti Nursultan Nazarbaevtyń Jarlyǵymen úsh júıeli shtab - jaıaý áskerler, áýe qorǵanysy kúshteri men áskerı-teńiz kúshteriniń bas shtabtary bekitildi. Aeroutqyr kúshterge Joǵarǵy Bas qolbasshynyń rezervi quzyry berildi. 2001 jyldan Qazaqstan 4 áskerı - Ortalyq, Ońtústik, Batys jáne Shyǵys okrýgke bólindi.

Respýblıka armıasynyń negizgi quramynda birneshe dıvızıasy bar 40 jalpy áskerı armıa, avıasıa korpýsy, radıo jáne radıotehnıkalyq barlaý bólimsheleri, jabdyqtaý bólimsheleri jáne Baıqońyr ǵarysh aılaǵyn, Semeı synaq alańyn jáne Saryshaǵandaǵy, Embidegi, Aral teńiziniń Barsakelmes aralyndaǵy synaq alańdaryn arnaıy jabdyqtaý bólimderi, bazalar, arsenaldar, qoımalar jáne basqa da bólimder men mekemeler quraıdy.

Búgingi kúni Qazaqstan óz azamattarynyń áskerı qyzmet atqarýynyń jaǵdaıy men tártibin derbes anyqtaıdy, óz aýmaǵynda áskerlerdiń, qarý–jaraqtyń jáne tehnıkanyń ornalasý máselesin sheshedi. Qazaqstan Respýblıkasynyń Qarýly Kúshterine jalpy maqsattaǵy kúshter, áýe-qorǵanys kúshteri, memlekettik shekarany qorǵaý kúshteri jáne de ulttyq gvardıa men ishki áskerler kiredi. Óz kezegine qaraı, qarýly kúshter túrli bólimderden jáne ár túrli quramalar men arnaıy áskerlerden turady.

---