InfoHub Logo

Taqyryp: Abaı - dana, Abaı - dara qazaqta

Maqsaty: Oqýshylardyń Abaı danalyǵynan nár alyp azamattyq, aqyl - oı, adamgershilik, ımandylyq, estetıkalyq, izgilik tárbıe alýyn uıymdastyrý, tulǵa boıyndaǵy daryn men qabiletke qozǵaý sala otyryp, Abaı álemi arqyly sulýlyqqa ǵashyq, ómirge ińkár etý.
Júrgizýshi: Ulttyq ordamyzdyń shákirtteri, aıaýly ustazdar. Búgingi «Abaı - dana, Abaı dara qazaqta» atty Abaı atamyzǵa arnalǵan ádebı - sazdy saıysymyzǵa qosh keldińizder!
Qazaqtyń rýhanı kemeńgeri, oıshyl, bilim men bostandyq jolyndaǵy qajymas kúresker - Abaı bul kúnderi búkil adamzatqa ortaq tulǵaǵa aınalyp otyr.
Talant taýdyń ushpaǵy - uly Abaı
Tańdan, álem, qazaqtyń uly qandaı!
Ár tasyńnan bastaý - ap, óleń - bulaq,
Sybdyr qaqqan balbóbek tili baldaı - deı kele búgingi saıysymyzǵa ádil baǵasyn beretin ádilqazylar alqasymen tanys bolaıyq.
1. Qazaq tili men ádebıeti pániniń muǵalimi Úmbetalıeva Saltanat
2. 11a - synyp oqýshysy Baǵyt Aınur
Qazylar alqasymen tanys bolsaq, endigi kezekti saıys sharttarymen tanystyryp óteıin. Saıys 6 bólimnen turady.

1 - bólim: «Men jazbaımyn óleńdi ermek úshin» (Abaı óleńderin mánerlep oqý jáne qaıym aıtys túrinde bolady)
2 - bólim: «Jyr jazamyn júregimmen» ( Abaı atamyzǵa arnap ár top músheleri ózderiniń tól týyndylaryn aıtady)
3 - bólim: «Danalyq darıasy» (Abaı qarasózderinen saıys, ıaǵnı ádilqazy alqasynyń aldynda nómirlengen qaǵazdar jasyrýly. Ár top qatysýshylar sol qaǵazdy sýyryp, top múshelerimen aqyldasyp, qara sózdiń mánin ashý.)
4 - bólim: «Qulaqtan kirip boıdy alar, jaqsy án men tátti kúı»(Abaıdyń ánderinen saıys)
5 - bólim: «Abaı jolynan úzindi» (Bul bólimde qatysýshylar Abaı jolynan úzindi ıaǵnı kórinis kórsetedi)
6 - bólim: Qorytyndy

Júrgizýshi: Júrekten óleń tógip, qosqan jyrǵa,
Tulpardaı toptan ozǵan júırik tulǵa,
Qoshemettep, kórermen, qol soǵyp qarsy alyńdar
Saıysqa qatysýshy tulǵalarǵa - deı otyryp saıystyń
«Men jazbaımyn óleńdi ermek úshin» atty bóliminde baq synaıtyn saıyskerlerge kezek beremiz.

Júrgizýshi: Abaı aǵam bolmasa ne bedel bar óleńde?
Shaqyrmasa jolǵa sap, men óleńge kelem be?
Qınalǵanda qıaǵa qanat qaqpaı appaq qus
Basqa bireý qol ushyn kelip maǵan berer me?- dep dúldúl aqyn Tumanbaı Moldaǵalıev aǵamyz jyrlaǵandaı, ulttyq ordamyzda, uly aqyndardyń jyrlarynan nár alyp, balǵyn jyrlarymen kózge túsip júrgen jas aqyndarymyz az emes. Endigi kezekte Jyr jazamyn júregimmen atty bóliminde baq synaıtyn ár top saıyskerlerine beremiz.

Júrgizýshi: Abaıdyń kemerine jetken shaqtaǵy ermegi - qarasózder jazý bolǵandyǵy kópke tanys. Kópke úlgi, nasıhat maqsatynda aıtylǵan qarasózderiniń tálimdik, tárbıelik máni tym tereńde. Endeshe Abaıdyń qara sózderin dáripteý maqsatynda «Danalyq darıasy» bólimin bastaımyz. Ortaǵa saıysqa qatysatyn top múshelerin shaqyraıyq

Júrgizýshi: Óziń ediń óleń - jyrdyń tarlany,
Shoq juldyzdaı bıik týǵan armany.
Qýat aldym jyrlaryńnan, nár aldym,
Qoldasyn dep Abaı ata arýaǵy
Oryndalmaı qaldy qansha armany,
Jas aqyndar ónerińdi jalǵady.
Urpaqtaryń esine alyp ózińdi,
Jaýhar jyrmen músinińdi somdady.
Qurmetti jyr súıer qaýym, «Qulaqtan kirip boıdy alar, jaqsy án men tátti kúı» atty Abaı ánderinen saıysymyzǵa kezek bereıik.

Júrgizýshi:
Men óleńge syıǵyza alman Abaıdy,
Jyr qudaıy joǵarydan qaraıdy.
Kóleńkeli keýdesine qazaqtyń,
Shymyrlaǵan shýaq bolyp taraıdy.
Óleń - jyrdyń kóktetken boz taqyryn,
Anyq basyp, júrdiń baıqap aqyryn.
Qazaq búgin kóteredi kógine,
Halyq úshin qan jylaǵan aqynyn - deı kele kelesi saıysymyz Abaı jolynan úzindi.
Ortaǵa úsh baǵyt boıynsha qatysýshylardy shaqyramyz
1. Gýmanıtarlyq baǵyt qatysýshylary
2. Fızıka - matematıka baǵyttyń qatysýshylary
3. Hımıa - bıologıa baǵyttyń qatysýshylary

Júrgizýshi:
Shyn hakim, sóziń asyl baǵa jetpes,
Bir sóziń myń jyl júrse dámi ketpes.
Qaradan hákim bolǵan sendeı jannyń,
Álemniń qulaǵynan áni ketpes.
Boılaryńda ot bar eken baıqadyq,
Júrekterde shoq bar eken baıqadyq.
Árqashanda osy shoqty óshirmeı.
Jalyndatyp sharyqtańdar árdaıym,- degen izgi tilekpen saıys jeńimpazdaryn marapattaý úshin qorytyndy adaldyqty tý etken ádil qazylar alqasyna beriledi.

Ádilqazylar aqyldasyp bolǵansha sóz kezegin jataqhana meńgerýshisi Qostaeva Qarlyǵash apaıǵa beremiz!

Júrgizýshi: Olaı bolsa, júregi qazaq dep soqqan qazaq jurty Abaıdyń óleńderin boıtumaryndaı saqtap júrýge tıis. Artyna ólmeıtin mura qaldyrǵan uly Abaı danyshpanymyzdyń 170 jyldyǵyna arnalǵan ádebı - sazdy keshimiz aıaqtaldy. Kóńil qoıyp, tyńdaǵandaryńyz úshin kóp - kóp rahmet!