InfoHub Logo

Abaı Qunanbaev – qazaq jazba ádebıetiniń negizin salýshy

Qazaqstan tarıhynan áńgimeler
5 synyp
Sabaqtyń maqsaty:
Bilimdik: qazaqtyń uly aqyny Abaı Qunanbaevtyń ómiri men qyzmeti, saıası kózqarasynyń qalyptasýy, jeke qasıetteri, Abaıdyń qoǵamdyq – saıası jáne tarıhı kózqarastary, tálim - tárbıelik máni zor ǵaqlıalarynyń mańyzdylyǵy, aýdarmashylyq qyzmetin aıta kelip, qazaq tarıhyndaǵy Abaı orny, murasyn nasıhattaý, bilimderin keńeıtý, tolyqtyrý.
Damytýshylyq: Oqýshylarda tarıhı qaıratkerlerdi sýretteı bilý bilikterin damytý jumystaryn jalǵastyrý. Tarıhı tilmen sóıleý qabiletin jetildirý maqsatynda kestedegi oqıǵalardy aýyzsha baıandatý, kartamen jumys, dáptermen jumys, Abaı ómirine baılanysty hronologıalyq kestemen jumys jasatý.
Tárbıelik: Óskeleń jas urpaqty Abaı atamyz armandaǵandaı segiz qyrly, bir syrly, eńbeksúıgish, tereń oılaı biletin parasattylyqqa, óziniń ótken ár kúninen mindetti esep bere alatyn aqyldy, ózin - ózi tárbıeleıtin adamgershilik qasıeti mol urpaq retinde oqyta, tárbıeleı otyryp qalyptastyrý.
Sabaqtyń ádisi: Aýyzsha baıandaý, suraq - jaýap, taqtamen jumys júrgizý.
Sabaqtyń túri: Aralas sabaq.
Sabaqtyń kórnekiligi: Slaıd prezentasıa

Sabaqtyń barysy:
İ. Uıymdastyrý kezeńi (2 mınýt)
A) Oqýshylarmen amandasý
V) Oqýshylardy túgeldeý
S) Oqýshylardy sabaqqa beıimdeý

İİ. Úı tapsyrmasyn tekserý (13 mınýt). Ótken taqyrypty pysyqtaý maqsatynda Shoqan Ýálıhanovtyń ómiri men qyzmeti jaıynda tapsyrmalar beriledi.
1 tapsyrma: Keste toltyrý.

2 tapsyrma: «Shoqan kim?» tapsyrmasyn oryndaý.

3 tapsyrma: Syzbany toltyrý.

4 tapsyrma: «Matematıkalyq oıyn»
1. Shoqan qansha jasynan bastap hat tanyǵan?
(50: 5) - (20: 4) = 5
2. Shoqan kadet korpýsyn qansha jasynda bitirdi?
(57 - 50) + (7 + 4) =18
3. Shoqan neshe jasynda dúnıeden ótti?
(250 - 200) – 20 =30
4. Á. Marǵulan Shoqannyń eńbekterin qansha jyldyq toıyna arnap qurastyrdy?
(100 * 3) - (10 * 15) =150

İİİ. Jańa sabaq túsindirý (15 mınýt). Jańa sabaqtyń taqyryby aldyn ala taqtaǵa jazylady. Oqýshylardy sabaqtyń maqsatymen tanystyryp ótemin.
Sabaqtyń jospary
1) Aqynnyń balalyq shaǵy
2) Aqynnyń ómir súrgen ortasy.
3) Abaıdyń saıası jáne tarıhı kózqarastary
4) Abaıdyń Qazaqstan tarıhynda alatyn orny.

Aldymen taqtaǵa «Abaı Qunanbaev» sózin jazyp, Abaıǵa qatysty sózder jazdyramyn. Osy jazǵandaryn oqýshylardyń ózderine qysqasha taldaý jasatamyn.
Abaı
↓
Qazaqtyń bas aqyny
Oıshyl
Aǵartýshy
Qazaq jazba ádebıetini negizin salýshy
Qoǵam qaıratkeri
Sazger, aqyn

 Abaı (Ibrahım) Qunanbaev (1845 - 1904) – qazaq halqynyń uly aqyny, sazger, qazaq jazba ádebıetiniń negizin qalaýshy, oıshyl.
 Abaı ómiri (hronologıalyq keste)