InfoHub Logo

Oqý is - áreketiniń taqyryby: «Meniń áıbat esimim»
Sabaqtyń maqsaty:
– adam esimderi jaıly, ony tolyq jáne erkeletip aıtýǵa bolatyny jaıly túsinik berý; balalardyń óz esimine degen jaǵymdy senimin damytý; ózge adamdardy esimimen ataý ádetine tárbıeleý.
Ádister: suhbat, túsindirý, áńgime, oıyn.
Qural - jabdyqtar: hrestomatıa, aına, kúnniń jáne kóbelektiń maket - sýreti, álbom.

Sabaqtyń barysy
Shattyq sheńberi
– Sálemetsińder me, balalar! Búgin saıahatymyzda «Ózin - Ózi taný» áleminde Mahabbat perishtesi bizge esimder týraly áńgimeleıdi.
Senderdiń barlyǵyńnyń esimderiń óte ádemi. Qandaı esimder ekenin kóreıik. Ortaǵa shyǵyp, shattyq sheńberin quraıyq, esimderimizdi daýystap aıtaıyq.
Tez tura ǵoı, ótinem,
Kim bolady esimiń?
(Balalar esimderin aıtady da, tárbıeshi barlyq balalardyń esimderin qaıtalaıdy.)
– Balalar, búgin shynymen de senderdiń esimderińnen kóńildi sheńber qurdyq.

Tynyshtyq sáti:
«Tabıǵatqa saıahat» relaksasıaly bosańsý dep atalady. Barlyǵymyz yńǵaılanyp otyryp, kózimizdi jumamyz. Myna keremet shıpaly aýamen tereń tynys alyp, óz tynys alýyńyzdy baqylańyz. Demdi ishke tartqanda boıyńyzǵa engen shıpaly aýanyń deneńizdiń ár qýysynan aýyrtpalyqty, ashý - yzańyzdy jınap terip júrgenin elestetińiz. Demińizdi shyǵarǵanda manaǵy shıpaly aýanyń jıǵan tergen jaǵymsyz emosıalaryn syrtqa qaraı baǵyttap shyǵaryp jiberińiz. Kóz aldyńyzda ózińizdiń tańǵajaıyp tabıǵat aıasynda júrgenińizdi elestetińiz. Japyraq ıisin ıiskep, qustar ánin tyńdap, ormanda qydyryńdar. Qydyryp júrip, úńgirge jaqyndadyńyz. Úńgirdiń qasynda sarqyrap sý aǵyp jatyr. Sýdyń aqqanyn jáne orman tynyshtyǵyn qustardyń ánin estýge tyrysyńyz. Osynyń barlyǵyna ishki jan dúnıeńdi ashyp, ózińizge yńǵaıly orynǵa otyryp, tynyshtyqpen úılesimge kelińiz. Kógildir kók aspan, sizdiń boıyńyzǵa tynyshtyqty uıalatady, al jarqyraǵan kún sáýlesi sizge jylýlyǵyn beredi. Syldyrlaǵan ózen men qustardyń ásem daýysy sizdiń júregińizdi baýrap keremet sezimge bólendińiz. Eshqandaı kedergiler, qıyndyqtar sizdiń kóńil - kúıińizdi buza almaıdy. Sizde bári de jaqsy bolady. Tereń tynys alyp ishińizden «Meniń qandaı áıbat, men baqyttymyn» degen sózderdi qaıtalańyz. Kózimizdi jaımen ashyp, bir - birimizge qarap kúlimdeıik.
- Qandaı kúıde boldyńyzdar, barlyq jaǵdaıdy sezine aldyńyzdar ma?
Áńgimeleseıik
– Balalar, kirpi, kerik jáne qonjyq ormannan qandaı zat taýyp alǵany esterińde me?
(Balalardyń jaýaptary)
– Durys, olar aına taýyp alǵan bolatyn. Aınaǵa qarańdarshy. Kimdi kórip tursyńdar? Senderdiń esimderiń aınadan kórinedi me?
(Balalardyń jaýaptary).
– Sender aınadan ózderińdi jáne betterińdi ǵana kóresińder. Biraq, esimderińdi kóre almaısyńdar. Biz óz esimimizdi tek estı alamyz. Árbir adamnyń esimi bolady. Adam týǵan kezde onyń jaqyndary men týystary: ata - anasy, atasy men ájesi oǵan esim beredi.
Pedagog sonymen birge adamnyń tegi jáne ákesiniń aty bolatyny jóninde toqtalyp ótedi.
Esimderdi tańdaǵan kezde aınaladaǵy qadirli, syıly batyrlardyń esimderin jáne tabıǵattyń jaratylysyndaǵy sulýlyq pen ásemdikke teńep qoıǵan.
– Úlken adamdar bir - birimen sóıleskende óz esimimen qatar ákesiniń atyn da ataıdy. Mysaly, meniń esimim Aınur bolsa, ákemniń aty boıynsha Serikhan qyzymyn. Aralaryńda kim óz esimimen qatar ákesiniń atyn aıtyp biledi? (Balalardyń jaýaptary)
– Eger adam meıirimdi bolyp, ıgi ister jasasa, ony eldiń bári qurmetteıdi, syılaıdy. Al eger jaman is jasasa, onda «Ákesiniń atyna kir keltirdi» dep aıtady. Sondyqtan, balalar, árqashan da óz esimderińdi baǵalaı bilińder, taza ustap, kir keltirmeı uzaq ómir súrińder!
– Al senderdiń erkeletip aıtatyn esimderiń bar ma? Muny biz qazir bilemiz. Oıynǵa shaqyramyn.
Oıyn «Erke esim».
(Tárbıeshi kúnniń, kóbelektiń maketi nemese sýretin paıdalanady).
– Balalar, barlyǵyń kúnniń aınalasyna jınala qoıyńdar. Bizge myna kóbelek kómektesedi. Ol qaı sáýlege kelip qonsa, biz sol baǵyttaǵy balaǵa erkeletip at qoıamyz. Mysaly, Sáýleni – Sáýletaı, Sáýlejan, Dáýrendi – Dáýrenjan dep, bolmasa, senderdiń áke - analaryń, ata - ájeleriń, aǵa - apalaryń ataıtyn esimmen de ataýǵa bolady.
(Barlyq balalar bir - birlep kóbelek kórsetken balanyń esimin erkeletip atap shyǵady).
Sabaqqa qatysyp otyrǵan barlyq balalardyń esimderi atalady.

Tyńdaıyq – oılanaıyq
Tárbıeshi hrestomatıadan T. Jarqynbaevtyń «Maquljan» áńgimesin oqyp beredi, talqylaý jasaıdy.
– Tóleýdi qandaı bala dep oılaısyńdar?
– Tóleýdi Maquljan dep nelikten atady?
– Senderdiń jasaǵan jaqsy isterińe qýanyp, úlkender basqa esimdermen atady ma?(aqylshy, kómekshi t. s. s.)

Qorytyndylaıyq
– Balalar, árkimniń óz esimi bar. Búgingi sabaqta biz esimdi qurmetteı, baǵalaı bilý kerektigi týraly bildik. Árbir erkeletip aıtatyn esim gúlge uqsaıdy. Gúlderdiń bári ádemi: raýshan da, qyzǵaldaq ta, báısheshek te – bári de ózinshe keremet, bári de adamǵa qýanysh syılaıdy. Bizdiń esimimiz de osyndaı keremet! Men senderge gúl taratyp beremin sender túrli tústi boıaýmen boıaısyńdar.
(Balalar gúlderdi boıaıdy)

Júrekten júrekke sheńberi
– Bárimiz qol ustasyp, júrekten júrekke sheńberine turamyz.
Esimimdi súıemin!
Ony aıalaı bilemin!
(Balalar tárbıeshimen birge qaıtalaıdy.)

Úıge tapsyrma
– Senderdiń esimderiń kimniń qurmetine berilgenin úlkenderden surańdar.
– Úıde ózderińdi úlkender erkeletip qalaı ataıtynyn esterińe túsirińder.
– Balalar, raqmet! Saý bolyńyzdar!