InfoHub Logo

Oraq aqyn men Abyl aqyn han-sultanǵa tili tıip, qýǵyn kórip, sol sapardan azyp-tozyp kele jatyp, Orta júz jerinde bir aqboz úıge kezigedi. Úıde dombyra tartyp otyrǵan qyz bulardyń usqynyn kórip, ári seskene, ári kekete óleń aıtady:                

...Óleńge sen de dúmdi, men de dúmdi,

Aıtyssa eki dúmdi qazar mindi.

Júldeni shappaı alǵan júırik edim,

Talaıdyń aıtysam dep saǵy syndy.

Sizderdi buryn-sońdy kórgenim joq,

Jol bolsyn, jolaýshylar taǵy syndy.

 

Sonda Oraq aıtady:

...Óleńge sen de dúmdi, men de dúmdi,

Qaǵyssa eki dúmdi tabar mindi,

Otyrǵan aqboz úıde qaryndasym,

Bermesin  bizge bergen saǵan kúndi.

Shóldegen jolaýshyǵa sýsyn bermeı,

Salqam qyz salǵan jerden nege kúldi?

Shaldyrmas shappaı berdiń ózi bolsań,

Jaılanyp, sóıleseıik keler kúndi.

 

Oraqtyń oraıly da tegeýrindi jaýabynan keıin qyz sóz jarystyrmaı, sabyr etedi. Sonda Abyl eki jastyń túsinise bastaǵanyn sezip, sózben sıpaı ótedi:     

Ekeýińiz úıdestińiz, búıdestińiz,

Sypaıy syr aıtysyp sóılestińiz.

Adamnyń ańyrǵany – jýsaǵany,

Manaǵy keler kúndi ne destińiz?

---