InfoHub Logo

Abyl kete Shernıaz aqynnyń aýylyna keledi. Shernıaz ataqty aqynǵa sóz aıtýǵa júreksinedi de, Abyldyń aqyndyq darynyn baıqamaq bolyp, jeńgesine biraýyz óleń úıretip, ózi boı tasalaıdy.     

At týar aıǵyr salsa asyl tekten,     

Baı, batyr, aqyn, jyrshy – bári de óktem.     

Qurmaǵa myrza, shora jınalsa da,     

Aıtaıyn shyndyq syryn buryn ótken.     

Násilin atańyzdyń bilemisiz,     

Shyǵypty Adaı aǵam qyzdan eppen, -  deıdi. Sonda Abyl:     

At týar aıǵyr salsa asyl tekten,     

Baı, batyr, aqyn, jyrshy – bári de óktem.     

Qurmaǵa myrza, shora jınalsa da,     

Aıtyńyz shyndyq bolsa buryn ótken.     

Bireýdiń jattamaly sózin aıtyp,     

Iapyrym-aı, munsha neǵyp esiń ketken?     

Bul sózdi bir-eki aýyz kim úıretken,     

Shernıaz sony úıretken qaıda ketken? –dep sózdiń tórkini Shernıazdan kelgendigin birden sezipti. Sol kezde Shernıaz shyǵa kelip, sálem beredi de, Abyldy arashalaǵan bolyp bylaı deıdi:

At týar aıǵyr salsa asyl tekten,

Asaýdy úıretedi kúshi jetken.

Aıǵyr salmaı úıirge Adaı aǵam,

Qyzdan týa salypty jeńgesi etken.

Qaıdan bilsin Abekeń kim ekenin,

Tuqym shashyp ananyń óńirine,

Qumartyp ónimine egin ekken.

Shernıaz eki sózinde de Adaı nekesiz qyzdan týypty deıtin ańyzdy tilge tıek etip, Abyldy qaǵyta ótedi. Ony sezgen Abyl:     

Ózgege tartqan jerim joq,     

Qýshyq mańdaı, shekesiz,     

Ózińmen ózim teń bolsam,     

Atamdy surap ne etesiz?!     

Zamanynda ózi bolǵan jigittiń                      

Jeti atasyn suraǵan jetesiz, -  depti. Abyl talantyna rıza bolǵan Shernıaz aǵa aqynmen birge el aralap, odan ónege alypty.

---