InfoHub Logo

QAZAQSTAN RESPÝBLIKASY BİLİM JÁNE ǴYLYM MINISTRLİGİ
MAŃǴYSTAÝ OBLYSY MUNAILY AÝDANY
“№10 JALPY BİLİM BERÝ ORTA MEKTEBİ” KMM-si
ǴYLYMI JUMYS
TAQYRYBY: ABIEV AIaP QADİRULY – BİZDİŃ AÝYLDYŃ BATYRY
BAǴYTY: QAZAQ ÁDEBIETİ
ORYNDAǴAN: MYRZA ELDOS, 10-SYNYP OQÝSHYSY
ǴYLYMI JETEKSHİSİ: ABDYKADYROVA KÝMISAI,
QAZAQ ÁDEBIETİ PÁN MUǴALİMİ
2014-2015 OQÝ JYLY
Anotasıa
Taqyryptyń ózektiligi. Uly Otan soǵysy ardagerleriniń soǵysqa qatysqandaǵy maqsaty – búgingi ulan – baıtaq keń dalasyn jaýdan saqtaý úshin, urpaǵy jaltaq- tamaı ómir súrý úshin óz ómirin kúreske arnady. Olar elin azat etý úshin aıanbaı erlikter kórsetip, qıyndyqqa qarsy tura bildi.
Zertteý maqsaty – Uly Otan soǵysynyń 70 jyldyǵy merekesi qarsańynda soǵystyń surapyl jyldarynda elin, jerin, Otanyn qorǵaǵan bizdiń aýyldyń batyrynyń erlikterin, júrip ótken joldary týraly jazylǵan málimetterdi, asyl muradaı saqtalǵan zattaryn, beıbit ómirdegi eńbekterin, keıingi urpaqqa ónege – ósıet retinde tanystyrý.
Mindeti:
– Uly Otan soǵysy ardagerleriniń ómirin ózimizge úlgi – ónege tutý;
– Ár aýdannan kelgen oqýshylarǵa bizdiń aýyldyń batyrynyń ulaǵatty ómirin pash etý;
– Uly Otan soǵysy ardagerlerinin erligin nasıhattaý jáne jas urpaqty elin, jerin, Otanyn qorǵaýǵa tárbıeleý;
Usynys: 1. Bizdiń aýyldyń batyrynyń dańqyn marapattarlyqtaı eskertkish ornatylsa;
2. Aıap Qadirulynyń esimi kóshe atyna berilse;
Jumystyń jalpy sıpattamasy: Uly Otan soǵysy ardageriniń ómiri, otbasy keń aýqymda qarastyrylǵan.
Kútiletin nátıje: Búgingi meniń jáne basqa oqýshylardyń ǵylymı jumystary respýblıkalyq, oblystyq, aýdandyq gazet betterinde jarıalansa, elin, jerin, Otanyn qorǵaýǵa degen jastardyń patrıottyq sezimi oıanyp, táýelsiz eliniń qadirin biletin bilimdi de tárbıeli jastar qalyptasar edi.

 

MAZMUNY

KİRİSPE…………………………………………………………………………3
İ. AIaP QADİRULY – BİZDİŃ AÝYLDYŃ BATYRY
1.1. AIaP QADİRULY – ULY OTAN SOǴYSYNYŃ ARDAGERİ…………4
1.2. AIaP QADİRULYNYŃ BASTAN KESHKEN QIYNDYQTARY...... 5-6

İİ. ASYL MURADAI SAQTALǴAN ZATTARY
2.1. AIaP QADİRULYNYŃ MARAPATTAÝLARY ……………………7-8
2.2. AIaP QADİRULYNYŃ BEIBİT ÓMİRDEGİ EŃBEKTERİ…………… 9
2.3. AIaP QADİRULYNYŃ QARA SHAŃYRAǴY………………………10-11

QORYTYNDY…………………………………………………………...…….12
ÁDEBIETTER TİZİMİ…………………………………………………….......13

KİRİSPE
«Babalar erligi – urpaqqa amanat» shyǵarmashylyq izdenis jobalar baıqaýy boıynsha, Uly Otan soǵysynyń 70 jyldyǵyna oraı Uly Otan soǵysynyń ardageri, halyq aǵartý isiniń úzdigi, beıbit ómirdegi jas urpaqqa bilim, tárbıe berýde uzaq eńbek etken ardager ustaz, otbasynda eki ul men bir qyz tárbıelep ósirgen Qunanorys áýletiniń qadirli aqsaqaly, Batyr aýylynyń úlgili otbasy, bizdiń aýyldyń batyry – Abıev Aıap Qadiruly týraly zerttegen ǵylymı jumysymdy qorǵaý úshin keldim.
Maqsatym – Uly Otan soǵysynyń surapyl jyldarynda elin, jerin, Otanyn qorǵaǵan bizdiń aýyldyń batyrynyń erlikteri, júrip ótken joldary týraly jazylǵan málimetterdi, asyl muradaı saqtalǵan zattaryn, marapattaýlaryn beıbit ómirdegi eńbekterin, estelikterin jınaqtap keıingi urpaqqa ónege – ósıet retinde tanystyrý edi.
Bul zertteý jumysynyń barysynda maǵan kóp kómek bergen, ıaǵnı, Abıev Aıap Qadirulynyń Uly Otan soǵysynda kórsetken erlikteri, júrip ótken joldary, ustazdyq qyzmeti týraly aıtqan onyń ekinshi uly Abıev Ybyraıym molda bolatyn.
Abıev Aıap Qadiruly týraly aıtqan áńgimesine zer sala otyryp, men bizdiń aýyldyń batyrynyń ómiri tek soǵyspen nemese maıdanmen ǵana shektelmeıtinin, bilim berý salasynda da orny erekshe ekenin túsindim. Qazaqta «Uıada ne kórseń, ushqanda sony ilersiń» degen naqyl bar, endeshe bizdiń aýyldyń batyrynyń uıasynda, ıaǵnı otbasynda 2 ul, 15 nemere, 36 shóbere bul kúnde aýyzbirshiligi mol, yntymaqta, tatýlyqta ata ósıetin oqıtyn, toqı biletin otbasy ekenin bildim.
Uly Otan soǵysynyń jeńispen aıaqtalǵanyna da 70 jyl ýaqyt ótti, meniń oıymsha soǵys ardagerleriniń beıbit ómirge oralǵannan keıingi jaǵdaıy, onyń eńbegi áli de bolsa zerttelmeı jatqandaı. Óıtkeni atalarymyz ótken sara joldy kózimizben kórip, qulaǵymyzben estimegen soń biz úshin jumbaq. Sol sebepti men búgingi ǵylymı jumysta bizdiń aýyldyń batyrynyń ónegeli ómirine kóbirek toqtalýdy jón kórdim.
İ. AIaP QADİRULY – BİZDİŃ AÝYLDYŃ BATYRY

1.1. AIaP QADİRULY – ULY OTAN SOǴYSYNYŃ ARDAGERİ
Abıev Aıap Qadiruly 1923 jyly 3 naýryz aıynda qazirgi Ózbekstan Respýblıkasy Býhara oblysynda Ortachýl aýylynda orta sharýa otbasynda dúnıege kelgen. 1930 jyly Tájikstannyń Qorǵan – Tóbe oblysyna kóship baryp, sol jyly 1-synypqa barady. 1937 jyly 7-synypty bitirip, Qorǵan – Tóbe qalasyndaǵy 3 jyl 6 aılyq pedagogıkalyq ýchılıshege oqýǵa túsedi. 1941 jyly oqýyn bitirip, aýyl mektebine muǵalim bolyp ornalasady. 19 jasynda, ıaǵnı 1942 jyldyń kókteminde búkil halyq attanyp jatqan maıdanǵa elin, jerin qorǵaý úshin attanady. Aýylynda anasy men 12 jasar qaryndasy Apaqaı qalady. Aıap Qadiruly 367 – atqyshtar dıvızıasynyń 49 – polki quramynda İ jáne İİ Belorýs maıdanynda soǵysqan. Ýkraına, Polsha jerin, Kýrsk, Bránsk, Orel, Orsha qalalaryn jaýdan azat etýge qatysqan. 1943 jyly sol qolynan aýyr jaraqattanyp, elge oralǵan. Jaýǵa qarsy keýdesin oqqa tósegen jaýyngerlerdiń birindeı bolǵan onyń erligi – elge mura, urpaqqa – uran bolarlyqtaı.
Búgingi ulan – baıtaq keń dalasyn jaýdan saqtaý úshin, urpaǵy jaltaq- tamaı ómir súrý úshin óz ómirin kúreske arnady. Ol elin azat etý úshin aıanbaı erlikter kórsetip, qıyndyqqa qarsy tura bildi.
Uly Otan soǵysynyń tarıhynda bizdiń aýyldyń erjúrek batyrynyń esimi erligine laıyq erekshe qurmetpen atalady. Sol bir aspan men jer kúńi-renip, otqa oranǵan surapyl jyldarda qaıtpas qaısarlyqtyń, eren erlik pen órlik- ójettiktiń óshpes ónegesin kórsetip, sol tustaǵy alyp erdiń eń joǵary nagradasyna ıe bolǵan batyrymyzdy jerlesteri erekshe maqtan tutady.

1.2. AIaP QADİRULYNYŃ BASTAN KESHKEN QIYNDYQTARY
Keńes Armıasy jaýdyń betin qaıtaryp, maıdan dalasynda úlken betburys jasap jatqan kezde ákem Aıap Qadiruly aýyr shaıqastardy bastan ótkizgen saqa jaýynger edi. Kýrsk doǵasyndaǵy qandy qasaptyń bel ortasynda – Bránsk maıdanynyń quramyndaǵy 367 – atqyshtar dıvızıasynyń 49 – polki quramynda bolyp, Ýkraına, Polsha jerin, Kýrsk, Bránsk, Orel, Orsha qalalaryn jaýdan azat etý aıqastaryn bastan keshti.
Keńes áskeriniń Orel-Kýrsk baǵytyndaǵy shaıqastarda jeńiske jetip, jaýdy Dnepr ózenine deıin sheginýge májbir etýi búkil maıdan shebin batysqa qaraı júzdegen shaqyrym shegeýrge múmkindik jasady. Elý kúnge sozylǵan osy bir qıan-keski urysta nemister 30 dıvızıasynan aıyryldy, sol kezdegi soǵys tajaly atanǵan nemistiń “tıgr”, “panter” atty 1500-deı tankleri, 3 myńnan astam zeńbirekteri, 3500 samoleti joıyldy. Jaý jaǵynyń jarty mıllıonǵa jýyq jaýyngeri Kýrsk túbinde jer jastandy. Nemistiń qanquıly armıasy endi qaıtyp Keńes eline bettemesteı bolyp osy Kýrsk doǵasynda myqtap sybaǵalaryn aldy.
…1943 jyl. Qatardaǵy soldat Aıap Qadiruly İİ Belarýssıa maıdanyndaǵy 367 – atqyshtar polkinde bolatyn. Tań aldy. Jaý pýlemet, avtomat, zeńbirekterden oq nóserin tókti. Oǵan qarsy bizdiń “katúshalar” birinen soń biri atylyp, fashıserdiń esin shyǵardy.Bizdiń jaýyngerler jalǵamaly kópir jasap, arǵy betke ótti. Naǵyz keskilesken urys bastaldy. Aıap batyr da ilgeri umtylyp keledi.Kenet jarylǵan granat onyń sol qolyna tıdi. Soldat aıaǵyn bir basty da, ekinshi attaı almaı, esinen tanyp qulap tústi. Áıteýir, bireýlerdiń arqalap kele jatqanyn ol emis-emis biledi…
Dárigerler Aıap Qadirulynyń sol qolyna operasıa jasaıdy. Sosyn muqıat qarap, sol qolynyń saýsaqtaryn kesip tastaıdy. Sol kúni túnde aýrýlar vagondarǵa tıelip, tylǵa jónetildi. Aıap batyr áskerı gospıtálda uzaq emdelip, aýyr jaraqattanyp, elge oraldy.

…1949 jyly 26 jasynda Sulýaı esimdi qyzǵa úılenip, súıgen jary 12 qursaq kóteredi. Sol 12 balanyń 10-y qaıtys bolyp, ómirdiń qıyn taýqymetin basynan keshiredi.
…1998 jyly Ońtústik Qazaqstan oblysy Maqtaaral aýdany Myrzakent qalashyǵynan Ózbekstan Respýblıkasy Gagarın qalasyna kóship keledi. Kóship-qonyp júrgen kezde Aıap Qadirulynyń úıi, asyl buıym zattary tonalǵan, turmys jaǵdaıy múshkil bolǵan. Ekinshi uly Ybyraıym aýyl moldasy qyzmetin atqarsa, kelin - balalary jumyssyz bolatyn,.
Uly Otan soǵysynyń ardagerine laıyqty qurmet, kómekter kórsetilmegennen keıin ata-babalary ómir súrgen Mańǵystaý eline oralýdy maqsat etti.
Sol sebepti 2005 jyly Mańǵystaý oblysy, Túpqaraǵan aýdany, Aqshuqyr eldi mekeninde turatyn tarıh jáne geografıa pániniń muǵalimi, ustazdyq qyzmetin jalǵastyrýshy, nemeresi Abıeva Aqsáýle Ybyraıymqyzynyń qolyna kelip, Uly Otan soǵysynyń ardageri ekenin dáleldeıtin qujattaryn qaıta jańǵyrtady. 2009 jyly nemere balalary Mańǵystaýǵa jumys jasaýǵa kelse, 2011 jyly ekinshi uly Ybyraıym otbasymen birge kóship keledi.
2012 jyly 89 jastaǵy Aıap Qadiruly Mańǵystaý jerinde bir kúni asqa barady. Asqa barǵan kezde densaýlyǵy syr berip, jerge qulap, oń jaq qabyrǵasyn syndyryp alady. Balalary Aqtaý qalalyq emhanaǵa alyp kelip, dárigerlerden kómek suraıdy. Dárigerler ókpesinde daq bar dep dıagnoz qoıyp, oǵan qarsy dári-dármekter jazyp, ishýin talap etedi. Aıap Qadiruly Osy ýaqytqa deıin birde-bir dári iship kórmegenin eskertti. Kúshti dárilerdiń áserinen aqsaqal eki kózdiń janarynan aıyrylady. Bir kúnnen keıin emhanaǵa baryp qaralsa, ókpesinde daq joq ekeni anyqtaldy.
Ia, bizdiń aýyldyń batyry Mańǵystaý oblysy, Munaıly aýdany, Batyr selo okrýgindegi Sherqala shaǵynaýdanynda otbasymen baqytty ómir súrip, 2014 jyldyń 15 qarashasynda o dúnıe saldy. Biraq, ol árdaıym bizdiń júregimizden oryn alyp, kóz aldymyzdan eshqashanda ketpeıdi.

İİ. ASYL MURADAI SAQTALǴAN ZATTARY

2.1. AIaP QADİRULYNYŃ MARAPATTAÝLARY
Bizdiń aýyldyń batyry Otanǵa degen sheksiz súıispenshiligin adal ótkerdi. Uly Otan soǵysynda kórsetken erligi úshin «Qyzyl juldyz» ordenimen, 1975 jyly «Sosıalısik jarystyń jeńimpazy» belgisimen, Halyq aǵartý isiniń úzdigi belgisimen marapattaldy. 1975 jyly «Uly Otan soǵysy jeńisine – 30 jyl» medalimen, 1979 jyly «SSSR – Áskerı kúshterine – 60 jyl» medalimen, 1985 jyly «Uly Otan soǵysy jeńisine – 40 jyl» medalimen, 1985 jyly Ι dárejeli Otan soǵysy ordenimen,
1986 jyly «Eńbek ardageri» ordenimen, 1988 jyly «SSSR – Áskerı kúshterine –70 jyl» medalimen, Ózbekstan Respýblıkasynyń Prezıdenti
I. Karımovtyń jarlyǵy boıynsha 1994 jyly “Jasorat” medalimen marapattalady. 1995 jyly «1941-1945 j.j. nemis fashıserin jeńgenine – 50 jyl» medalimen, 2000 jyl «Uly jeńiske – 55 jyl » medalimen, 2004 jyly QR Prezıdentiniń №1439 jarlyǵy boıynsha «1941-1945 j.j. Uly Otan soǵysyndaǵy Jeńiske 60 jyl» merekelik medalimen birge avtokólik tartý etildi. 2010 jyly QR Prezıdentiniń №951 jarlyǵy boıynsha «1941-1945 j.j. Uly Otan soǵysyndaǵy Jeńiske 65 jyl» ordenimen jáne Aqtaý qalasynan 30 shaǵynaýdanynan páter berildi. 2013 jyly “Mańǵystaý oblysyna 40 jyl” mereıtoıyna arnalǵan orden marappataldy. 2014 jyly Astanadan «Kýrsk qalasynyń azat etilgenine - 70 jyl» ordenimen marapattaldy.

Hronologıa
• Uly Otan soǵysynda kórsetken erligi úshin «Qyzyl juldyz» ordenimen;
• 1975 jyly «Sosıalısik jarystyń jeńimpazy» belgisimen;
• Halyq aǵartý isiniń úzdigi belgisimen;
• 1975 jyly «Uly Otan soǵysy jeńisine – 30 jyl» medalimen;
• 1979 jyly «SSSR – Áskerı kúshterine – 60 jyl» medalimen;
• 1985 jyly «Uly Otan soǵysy jeńisine – 40 jyl» medalimen;
• 1985 jyly Ι dárejeli Otan soǵysy ordenimen;
• 1986 jyly «Eńbek ardageri» ordenimen;
• 1988 jyly «SSSR – Áskerı kúshterine –70 jyl» medalimen;
• 1994 jyly “Jasorat” medalimen;
• 1995 jyly «1941-1945 j.j. nemis fashıserin jeńgenine – 50 jyl» medalimen;
• 2000 jyl «Uly jeńiske – 55 jyl » medalimen;
• 2004 jyly QR Prezıdentiniń №1439 jarlyǵy boıynsha «1941-1945 j.j. Uly Otan soǵysyndaǵy Jeńiske 60 jyl» merekelik medalimen birge avtokólik tartý etildi.
• 2010 jyly QR Prezıdentiniń №951 jarlyǵy boıynsha «1941-1945 j.j. Uly Otan soǵysyndaǵy Jeńiske 65 jyl» ordenimen jáne Aqtaý qalasynan 30 shaǵynaýdanynan páter berildi.
• 2013 jyly “Mańǵystaý oblysyna 40 jyl” mereıtoıyna arnalǵan ordenimen ;
• 2014 jyly Astanadan «Kýrsk qalasynyń azat etilgenine - 70 jyl» ordenimen marapattaldy.

2.2. AIaP QADİRULYNYŃ BEIBİT ÓMİRDEGİ EŃBEKTERİ
1943 jyly soǵysta sol qolynan aýyr jaralanyp, birneshe jyl ustazdyq qyzmetin jalǵastyra almaıdy. Tek 1947 jyly ǵana ustazdyq qyzmetin jalǵastyrady. Aıap ata 5-6-7 synyptaryna geografıa jáne tarıh páninen sabaq bergen. 1960 jyly Tashkenttegi Nızamı atyndaǵy ınstıtýtqa oqýǵa túsip, 1964 jyly pedagogıkalyq ıstıtýttyń tolyq kýrsyn bitiredi. 1960 – 1964 jyly Ońtústik Qazaqstan oblysy Maqtaral aýdany Slavánka aýylynda Chkalov atyndaǵy orta mekteptiń oqý isi jónindegi orynbasary qyzmetin atqarady. 1965 jyly Gagarın qalasyna kóship kelip, ustazdyq qyzmetin odan ári jalǵastyrady. 1969-1970 jyldary Gagarındegi Abaı atyndaǵy mektepte oqý isi jónindegi orynbasary qyzmetin atqarady. Osy mektepte 1988 jylǵa deıin jıyrma úsh jyl shákirt tárbıeleıdi. Aıap Qadiruly óziniń sanaly ómirinde jastarǵa bilim berýde qajyrly qaırat etip, 42 jyl ustaz bolyp, kóptegen bilimdi shákirtter tárbıeleıdi. Qazir sol shákirtteri elimizdiń ár jerinde halyqqa qyzmet etýde. Osy jyldar ishinde jemisti eńbegi baǵalanyp, Qazaq SSR-i jáne KSRO-nyń halyq aǵartý isiniń úzdigi belgisimen marapattalǵan.
Aıap Qadiruly – Uly Otan soǵysyna qatysyp, jeńispen elge oralýdy maqsat etken, beıbit eńbektiń qıynshylyǵynda, rahatynda kórip, ómir keshken sanaly ǵumyryn jas urpaq tárbıesine kináratsyz arnaǵan ustaz.
Ol tek ustaz ǵana emes, ómiriniń jartysyn mektep basshylyǵy qyzmetin atqarǵan, aýyldyń mádenı, saıası-áleýmettik ómirlerine esh toqtaýsyz aralasatyn, kómekter berip otyratyn. Ol ómiriniń sońǵy kúnderine deıin qoǵamdyq jumystardan tys qalmaı biraz jyldar ardagerler keńesiniń múshesi de boldy.

2.3. AIaP QADİRULYNYŃ QARA SHAŃYRAǴY
Abıev Aıap Qadiruly Adaı ishindegi Kelimberdiniń bir tarmaǵy Qunanorys rýynyń Kenjebaıdan taraǵan. Aıap Qadirulynyń otbasynda 2 ul, 16 nemere, 36 shóbere bar. Ózinen taraǵan urpaqtary Ábdisamat pen Ybyraıym.
Abıev Ábdisamat Aıapuly 1956 jyly 20 maýsymda Tájikstannyń Qorǵan – Tóbe oblysynda dúnıege keledi. Gagarın qalasynda qurylys- tehnıkýmynda ınjenerlik mamandyǵyn bitirgen. Qazirgi tańda Ońtústik Qazaqstan oblysy, Myrzakent qalashyǵynda mamandyǵy boıynsha jumys jasaýda. Ábdisamattan 2 ul, 3 qyz taraıdy. Onyń biri – Rysbek (1984j.) Shymkent qalasyndaǵy toqyma fabrıkasynda ınjener mamandyǵy boıynsha jumys jasasa, ekinshi uly – Joljigit (1998 j.) 11-synyp oqýshysysy. Rysbektiń Arhat esimdi 3 jasar uly bar.
Aıap Qadirulynyń ekinshi uly Ybyraıym molda Aıapuly 1958 jyly Tájikstannyń Qorǵan – Tóbe kentinde dúnıege kelgen. 1960 -2009 jyldar aralyǵynda Ózbekstannyń Gagarın jerinde ómir súrip, sol jerde mektepti bitiredi. Densaýlyǵy bolmaı 10 jasynan din jolyna tústi. 18 jasynda Pir Beket urpaǵy Qıaqbaı – Maqsum bata beredi. 1989 – 1991 jyldary Tashkent medresesin bitiredi. Gagarın jerindegi meshitte naıb – ımam boldy. 2010 jyly Maqtaral aýdany Myrzakent qalashyǵyna kóship, «Abdýl – ákim jamıǵa» meshitinde naıb – ımam, ımam – keńesshisi bolady. Dinnen dáris beredi. Aıap batyrdyń atasynan qalǵan asataıaǵy ekinshi uly Ybyraıymǵa asyl mura retinde qaldyrǵan, áli kúnge deıin saqtalǵan.
Ybyraıym Aıapulynan 4 ul, 4 qyz dúnıege keledi. Úlken uly Abıev Nuraly Aqtaý qalasynda speselektromontaj koorporasıasynda qyzmet etse, ekinshi uly Nurbergen kúzet polısıasynda jumys jasaıdy. Al úshinshi uly Nurıslam teńiz qarýly kúshterinde parohod júrgizýshisi qyzmetin atqarsa, kenje uly Nurjigit Almaty qalasyndaǵy “Abý – Hanıfa ” medresesinde İİ kýrs stýdenti. Nýrıslamnan taraǵan shóberesi Meıirjan qazir 1 jasta.
Qadir

Ábı

Aıap

Ábdisamat Ybyraıym

Rysbek Joljigit Nuraly
Arhat Nurber
Nurıslam Meıirjan
Nurjigit

 

QORYTYNDY

Sonymen sózimdi jınaqtaı kele mynandaı túıin jasaǵym keledi. Men bizdiń aýyldyń batyry Abıev Aıap Qadiruly týraly ekinshi uly Ybyraıym moldadan estigenimdi zerdelep jazdym.
Oıymyzdy túıindeı kele aıtarymyz, ata – babalarymyzdyń asyl murasyn kózdiń qarashyǵyndaı saqtap, ózimizge ónege tutsaq, olardyń esimin qadirlesek bul jastar úshin tárbıe bastaýy bolary sózsiz.
Sondyqtan óshpes iz qaldyrǵan ardager atalarymyzdyń ómir tarıhy men eren erlikteri jáne eńbek joldary týraly málimetter baspasóz betterinde jarıalansa dep oılaımyn, sol maqsatta Munaıly gazetine «Atamnyń ómiri – ónege» taqyrybynda maqala jazdym.
Bizdiń aýyldyń batyry 2 ul, 15 nemere, 36 shóbereni tárbıelep ósirgen úlgili otbasy “Qara shańyraq” qazirgi jastarǵa úlgi bolarlyq otbasy.
Sóz sońynda usynysym, bizdiń aýyldyń batyrynyń dańqyn marapattarlyqtaı eskertkish ornatylsa, «Batyr ortaq, baq jalqy» degendeı, ulttyq úrdisterimizdi ulyqtap jatqan shaqta erjúrek ul Aıap Qadirulynyń esimi kóshe atyna berilse eken deımin.
Halqyna qadirli abzal azamat, bizdiń aýyldyń er batyrynyń jarqyn beınesi onyń ulaǵatyn kórgen urpaqtary men shákirtteriniń júreginde máńgi saqtalady.

 

Paıdalanylǵan ádebıetter:
1. «Mańǵystaý batyrlary» kitaby
2. «Taǵzym» kitaby
3. «Qunanorys» shejire kitaby

---