InfoHub Logo

Taqyryby: Adal dostyq
Maqsaty: Oqýshylardyń arasynda jaǵymdy qarym - qatynas ornatý, bir - birin syılaýǵa, adal dos bolýǵa jáne qorshaǵan ortamen dos bolýǵa úıretý, kommýnıkatıvtik óristi damytý.
Mindeti: 1. Adam qarym – qatynasyndaǵy dostyq uǵymy týraly túsinik berý;
2. Oqýshylardyń arasynda dostyq sezimderin damytýǵa yqpal etý.
3. Oqýshylardy syılastyqqa, ádeptilikke, shynaıylyqqa, adaldyqqa tárbıeleý.

BARYSY:
İ. Sálemdesý.
Oqýshylar hormen: Úlkenge de «Siz»,
Kishige de «Siz».
Bar adamǵa qurmetpen,
Bas ıemiz biz.
İİ. Shattyq sheńberi.

- Balalar, bárimiz shattyq sheńberine jınalaıyq. Endi bir - birimizge búgingi kúnimizdiń tamasha ótýine arnap jaqsy tilekter aıtaıyq. (Oqýshylar «Dosymmen birge» oıyny arqyly bir - birine búgingi kúnniń kóńildi ótýine arnaǵan tilekterin aıtady.)

Trenıń erejelerimen tanystyrý.
1. Keshikpeý.
2. Óz ýaqytynda bastaý.
3. Bir - birin syılaý.
4. Uzaq ýaqyt sóılemeý.
5. Kóńildi bolý.
Tanysý trenıńi.
Óz esimińizge syn esim qosyp tanysaıyq.

İİİ. Kel, oılanaıyq, pikirleseıik.
- Endi, balalar, myna óleńdi tyńdap kórelik.

Dos kóp edi júretin syr aqtaryp,
Jandarynan turatyn shýaq tamyp.
Dombyramnyń úni de estiledi,
Dostarymnyń syrlary sıaqtanyp.
Dos júregi qashanda ańsaǵanym,
Solarmenen qosylyp án salamyn.
Aq peıildi ańsaǵan dostarymdy,
Qýanyshpen kúlimdep qarsy alamyn.
Kóńil – darıa, tolqyǵan asyldarym,
Sender meniń jyldarym, ǵasyrlarym.
Tirshiliktiń tuzdyǵy – dostyq eken,
Dostarymnan eshteńe jasyrmadym.
Shyn dostyqtyń ottary jalyndaıdy,
Dos qamaldar eshqashan alynbaıdy.
Dos kóńilder esepke baǵynbaıdy,
Dos úrekter ósekke baǵynbaıdy.
Kún shyǵady dúnıeni nurlandyryp,
Dostar áni óshpeıtin bir máńgilik.
Dos kóńili sıaqty shashyraıdy.
Kúnniń ózi kóktegi turǵan kúlip.

1. Dostyq degendi qalaı túsinesińder?
2. Shyn dosty qalaı bilýge bolady?
3. «Dosy kópti jaý almaıdy» degen sózdi túsindirińder?
4. Dostary kóp bolý úshin adam qandaı bolýy qajet?

IV. Mátinmen jumys. Eki dos (El aýzynan)

Ertede el arasynda jaýgershilik jıi bolatyn kezde qazaqtyń eki jaýyngeri tós qaǵysyp dos bolady.
Birde áskerler bir ózenniń boıynda qos tigip damyldapty. Tutqıyldan jaýdyń qalyń qoly shabýyl jasapty. Maldy aıdap, múlikterin tıep ketipti. Qolǵa túsken azamattardy aıdap áketipti. Álgi eki dostyń bireýi jaý qolyna túsedi. Dosynyń qolǵa túsip qalǵanyn estigen ekinshi batyr kúzdiń qara sýyǵyn elemesten ózendi maltyp ótip, jaý jatqan jaǵaǵa keledi. Antalaǵan jaý áskerleri ony tarpa bas salady. Jaýynger ózin qolbasyna aparýyn ótinedi. Alyp kelgen soń ol jaýdyń qolbasyna:
- Men qoldaryńa túsken bir jaýyngerge qun tólep, satyp alýǵa keldim. Meniń oǵan aıyrbastap berer malym - múlkim joq. Bir - aq nárse beremin. Ol - ózimniń ómirim. Dosymdy bosatyńdar, ol úshin meniń ómirimdi alyńdar, - deıdi.
Qolbasy oılanyp otyryp, ony synamaq bolady da:
- Jaraıdy, men seni qyrshynyńnan qımaı - aq qoıaıyn. Maǵan sol ómirińniń bir bólshegin ǵana berseń bolady, - deıdi.
- Ol ne? – deıdi dosyn qutqarýǵa asyqqan jigit.
- Maǵan seniń kózderiń kerek? – deıdi qolbasy, - eki kózińdi oıyp alamyn.
- Ol da bolsyn, kózimdi al da, dosymdy tezirek bosat, - deıdi.

V. «Dostyq. Birlik.» úıin salý.

- Balalar, bizdiń adal dostarymyz álde de kóp bolý úshin, úlken úı salýymyz kerek. Sol úlken úıdi bárimiz birge salyp kóreıik.
Maqal - mátelder
1. Shyn dos úshin qalaıda,
Tik qaterge basyńdy.
Aıyra bil alaıda,
Dosyńmenen qasyńdy.
2. Dosy joqpen syrlas,
Dosy kóppen syılas.
3. Dosyń myń bolsa da – az,
Dushpanyń bireý bolsa da – kóp.
4. Dosyńmenen dos bolǵanǵa shattan
Dushpanyńmen dos bolǵannan saqtan.
5. Aqylsyz dostan, aqyldy dushpan artyq.
6. Dos basqa qaraıdy,
Dushpan aıaqqa qaraıdy.
7. Órge júzgen ónegeli isińmen,
Adal dos tap teń qurbyńnyń ishinen.

VI. Tynyshtyq sáti.
- Balalar, oryndaryńyzǵa emin - erkin jaıǵasa otyryńyzdar. Endi kózimizdi jumyp, árkim óziniń dosy, onyń jalqy qasıetteri týraly oılaımyz. (2 - 3 sekýnd)
- Balalar, dostarymyzdy oılap bolsaq, kózimizdi ashaıyq. Paraqqa aty - jónimizdi jazyp, oılaǵan dosymyzdyń esimin jazaıyq.
Adal dostyq júkteý