Adamdyq boryshyń –
Halqyńa eńbek qyl.
Aq joldan aınymaı
Ar saqta, ony bil.
Talaptan da bilim men óner úıren,
Bilimsiz,
Ónersiz,
Bolady aqyl tul.
Maqtanǵa salynba
Mansaptyń taǵy úshin.
Nápsińe bıletpe
Basyńnyń baǵy úshin.
Ómirińdi sarp qyl ólgenińshe,
Joba tap,
Jol kórset,
Keleshek qamy úshin.
Qaıtadan qaırylyp
Qaýymǵa kelmeısiń.
Baryńdy,
Nárińdi
Tirlikte bergeısiń.
Ǵıbrat alar artyńa iz qaldyrsań –
Shyn baqyt‚
Osyny uq,
Máńgilik ólmeısiń!

---