InfoHub Logo

Adamnyń syrt kelbeti men minezi

A3. Orfoepıalyq normalardy saqtaý
J1. Ár túrli stılde mátinder qurastyrý
• 7. A3. Aýyzsha mátinder quraýda suraýly, habarly, lepti jáne buıryqty sóılemderdiń ıntonasıalyq ereksheligin eskerip aıtý.
• 7. J1. Mátinderdiń stıldik ereksheligin saqtaı otyryp, kúndelik, minezdeme, túsinikteme, ómirbaıan jazý.
 Aýyzsha mátinder quraýda sóılemderdiń ıntonasıalyq ereksheligin eskere biledi;
 Oıyn aýyzsha jetkizýde suraýly, habarly, lepti jáne buıryqty sóılemderdi oryndy qoldanyp aıta alady;
 Mátin qurastyrǵanda onyń stıldik ereksheligin eskere biledi;
 Kúndelik, minezdeme, túsinikteme, ómirbaıannyń bireýin jazǵanda stılin saqtaı otyryp jazady.

Uıymdastyrý sáti. Oqýshylardyń belsendiligin arttyrý.
 Yntymaqtastyq atmosferasyn qalyptastyrý maqsatynda ótkiziletin trenıń.
Oqýshylar bir - birine minezderiniń jaqsy jaqtaryn aıtyp, jyly lebizderin bildirý úshin «Meniń oıymdy ózgertken seniń boıyńdaǵy... asyl qasıet» degen sózden bastaıdy.
Qoldarynan ustap turyp, ádemi tilek tilegen oqýshyǵa synyptastary marapattaý aıtady.
Keri baılanys. Myqty ekensiń. Qyzyqtyryp jiberdiń.
SJ
Synypqa qıma qaǵazdar taratylady. Oqýshylar ózderiniń boıyndaǵy qyzyq bir minezin jazady. Ádemilep búktep qorapqa salady. Sosyn bir - birlep sýyryp, kim ekenin tez taýyp alǵan oqýshyǵa juldyzsha taǵylady.

Minezderin birden tanyǵandar jup qurady.
 Búgingi sabaqtyń oqý maqsattary men kútiletin nátıjelerin tanystyrylady.
JJ Aldyńǵy sabaqta alǵan bilimdi eske túsirip, sáıkestendirý tapsyrmasy beriledi.

aqkóńil -------------------------------- flegmatık
tez oılanyp jaýap beredi -------------- holerık
dostaryna kómektesýdi unatady ----------- melanholık
jeńil minezdi ----------------------------------- flegmatık
agressıvti, shamdanǵysh ---------------------------- sangvınık
kisige qaıyrymdy --------------------------- melanholık
jańa ortada qatty qysylady --------------- holerık
tym qozǵalǵysh ------------------------------------ sangvınık
orynsyz sóılemeıdi ---------------------------------- holerık

Sáıkestendirýdi tez tapqan jup janyndaǵy jupqa tapsyrma beredi. Iaǵnı 2 - 3 tirkesti sózdi alyp, sóılemniń ıntonasıalyq ereksheligin qoldana otyryp, aýyzsha habarly sóılemder quryp aıtý. Synyptaǵy 5 jup bir - birine sóılemniń aıtylý ereksheligine baılanysty suraýly, lepti, buıryqty sóılemderdi aýyzsha qurýǵa tapsyrmalar beredi.

Keri baılanys.
Oqýshylar bir - birin baǵalaıdy
Juptar
Shapshań jup
Oryndaıtyn jup
Baıaý jup
Jaı jup
Asyqpaıtyn jup

Eske saqtaý.
Sóılemderdiń ıntonasıalyq ereksheligi degenimiz sóılep turǵanda sóılem ishinde belgili bir sózderge ekpin erekshe túsirilip aıtylady. Mysaly: Keremet qandaı, ol óz ortasynda orynsyz sóılemeıdi.
Synyp oqýshylarynyń nazaryn ınteraktıvtik taqtadan kórsetilgen myna sýretterge aýdaramyz.
Bular kimder? Tanısyzdar ma? Syrtqy kelbetine qarap olardyń minezine boljaý jasap kórińizder.
Óz pikirin bildirgen oqýshylardyń ishinde oıyn ashyq, erkin ári áserli jetkizgen oqýshyny ózderi suq saýsaqpen «Keremet ekensiń» dep baǵalaıdy.
 «Oılan, Bólis, Jaýap ber»
 Adamnyń syrt kelbetine qarap, onyń minezin tanı alamyz ba?

 Siz jańa tanysyńyzdyń minezin qalaı tanısyz?
Aıtylym daǵdysy boıynsha birneshe sýretterdi slaıd arqyly kórsete otyryp, sýrettegi beıneniń minezin ózinshe boljap aıtady.
Tapsyrma
Osy suraqtarǵa juptasa otyryp, óz kózqarastaryńdy ortaǵa salyp, dıalog quryńyzdar. Dıalogtaryńyzda suraýly, habarly, lepti jáne buıryqty sóılemderdiń ıntonasıalyq ereksheligin eskerip aıtyp kórińizder.
Deskrıptorlar
Juptasyp dıalog qura alady
Suraqqa óz oıymen jaýap beredi
Beıneniń minezin boljap aıtady

Sergitý sáti.
Oqýshylarǵa sýret beriledi. Sol sýrettegi adamdardyń attaryn tabý úshin birneshe sóılemder beriledi. Súgiretshi salǵan beıneni dál tapqan oqýshyny marapattaý.
Mátini:
Bas kıim kıip turǵan bıik jáne aryq kisiniń aty Marat emes. Sábıttiń jáne Jomarttyń qasynda turǵan adamnyń kózildirigi joq. Aryq jáne alasa adam Sábıttiń qasynda. Murtty adamnyń qasynda turǵan kisi Marat.
Saqaly bar qara shashty adamnyń aty Marat emes. Aryq jáne alasa adamnyń aty Jeńis emes. Jomarttyq qasyndaǵy adamnyń bas kıimi joq. Jeńis Sábıttiń jáne Erjannyń qasyndaǵy adamnyń arasynda tur.
Adam attary: Erjan, Marat, Jeńis, Sábıt, Jomart.
Jazylym
Óziń mineziń qandaı? Kesteniń 3 bóligine óz minezińizdegi erekshelikti sóz tirkesimen jazyńyz. Oıyńyzdy jubyńyzben bólisińiz. Ol rastaǵan tusyna ádemi baǵalaý qoısyn.
Qamqormyn
qarapaıym
kóńildi
mazasyzbyn
shydamdy

f Juptar bir - birin baǵalaıdy.

Jazylymda aldynda oqyp bilgenderin esterine túsire otyryp, dosyńa ne janynda otyrǵan jubyna minezdeme jazady. Aldymen onyń boıyndaǵy jaqsy qasıetterine toqtalady. Minezindegi nashar qylyqty (ashýshań, ókpelegish, t. b) qasıetterine ózinshe aqyl qosýyna bolady. Mátin qurǵanda stıldik ereksheligine mán berý kerektigi aıtylady.

Refleksıa
3 - 1 Úsh jaqsy qasıetti aıtý. Soǵan úsh sóılem oılaý.