InfoHub Logo

«Uly dala - akademıgi»
Maqsaty: Oqýshylarǵa qazaq eliniń birtýar azamaty Nurmolda Aldabergenov týraly jan - jaqty túsinik qalyptastyrý, kemeńger tulǵanyń óz halqyna, eline tıgizgen sharapatyn, sińirgen eńbegin kórsetý. Nurmolda Aldabergenovtyń azamattyq tulǵasyn tanytý.

Júrgizýshi: Armysyzdar qurmetti qonaqtar, ustazdar men oqýshylar!
Bıyl qazaq halqynyń maqtanyshy, kolhoz qurylysyn alǵash uıymdastyrýshylardyń biri, qoǵam qaıratkeri, eki márte Sosıalısik Eńbek Eri Nurmolda Aldabergenovtyń týǵanyna 110 jyldyq mereıtoıyna arnalǵan «Uly dala - akademıgi»atty ádebı sazdy keshimizge qosh keldińizder.
Júrgizýshi: Búgingi keshimizdiń negizgi maqsaty - Nurmoldadaı uıymdastyrýshylyq qabileti joǵary kemeńger atanyń múddesin túsiný, rýhanı tarıhymyzdy taný, tulǵanyń aıaýly beınesin búgingi jáne keler urpaqtyń esinde qaldyrý.

Júrgizýshi: Qarshadaı kúninen bastap eńbekke aralasqan qazaqtyń qarapaıym birtýar uly búkil ǵumyryn týǵan jerin gúldendirýge, aýyl turǵyndarynyń áleýmettik - turmystyq jaǵdaıyn jaqsartýǵa arnady.
Júrgizýshi: Osy alyp tulǵanyń ańyzǵa aınalǵan jetistigi, shyqqan bıigi, qajyrly eńbegi týraly búgin eske alýdyń sáti kelgen sıaqty.
Júrgizýshi: Aýyl sharýashylyǵy salasynyń sheber kóshbasshysy atanǵan Nurmolda Aldabergenovtiń ómirbaıanyn 11 - synyp oqýshysy baıandap beredi. (slaıd kórsetilip turady)
Júrgizýshi: Án oryndalady.

Júrgizýshi: Qurmetti kópshilik! Erekshe top jarǵan daryn ıesiniń úlgili isin nasıhattaý, ony urpaqtan urpaqqa mıras etip qaldyrý úshin aýylymyzdyń aqyny Q. Japsarbaevtyń «Nurmolda týraly jyr» atty dastanyn 7 - synyp oqýshysy İztaı Qasymhan oqyp beredi.
Nurmolda týraly jyr
Talaı baıdyń esigin
Tozdyrdym men jasymda.
Baıdan bolyp nesibim,
Uıyqtadym qoıdyń qasynda.
Jaz shyqqanda óriske.
Qozymenen birge erdim,
Jaqsylyqtyń ne ekenin
Estimedim, bilmedim.
Sóıtip zarmen júrgende
Oktábrdiń tańy atty
Elmen birge kúlimdep
Men shyńdadym talapty
Talmaı júrip aqyry
Atqan tańǵa jettim – aý
Joqshylyqty, quldyqty
Jasymda kóp shektim aý
Sharýa bolyp qýandyq
Oktábr tańy atqanda
Biz máz bolyp jylyndyq
Qumyrsqadaı uıystyq
Ómir shamyn jaqqanda
Kekireıip turmadym
Kedeıler dabyl qaqqanda
Tilektes boldyq qyzylǵa
Aqtar kelip shapqanda
Tileýin tilep qyzyldyń
Mańaıynan ketpedik,
Aq pen qyzyl aralasyp jatqanda
Baı, kedeı bolyp bólindik,
Eki tapqa ajyrap
Sovettiń nurly shýaǵy
Túsip turdy tóbemizden jadyrap
Temir jolǵa kirdim de
Elime arqa tiredim,
Nege sharshap, qajımyn
Bolǵasyn qabyl tilegim
Qoryqpady jumystan
Jastyq qaırat jigerim
Eki ese jospar oryndap
Kúnnen kúnge údedim,
Jatsam uıqym kelmedi
Alyp - ushyp júregim
Qajymadym, talmadym.
Jumystan bir kún qalmadym.
Úsh jyl júrip bir aýyz
Eshbir sógis almadym

Ómirdiń sozdym qoldy jańasyna,
Árkimniń uıat bolsyn sanasynda.
Bólinip baı men kedeı eki tapqa
Ómirdiń turǵan kezi talasynda,
Jolaman, Saryózek, Aınabulaq

Jumystan qorqyp Nurmolda
Basyn tartyp, taımady
Neler oman aryqty
Jalǵyz ózi baılady
Nurmoldany unatty
Bar kolhozdyń aımaǵy
Kóp ótpeı - aq ony jurt
Brıgadır etip saılady
Kóktemniń jylǵy egisi
Buryn bitti egilip
Qyzylshasy bitipti
Aldymenen sebilip
Bastaldy soǵys bir kúni
Nurmolda ketti suranyp
Júreginiń ámirin
Ar – ojdany qup alyp.
Okopta tońdy esil er.
Aıanbaı jaýǵa oq atty
Japyraǵyn janynyń
Surapyl jelge tonatty
Soǵys bitti, ol da aman
Aýylyna oraldy
Júdep qalǵan sharýalar
Ortasyna ony aldy
Qaıta bastyq saılady
Sheginbedi Nurmolda
Tańnan turyp dalada
Jurtpen birge júrdi ol da
Jurtpen birge demaldy
Jurtpen birge kúldi ol
Rahatyn, eńbektiń,
Bala jastan bildi ol
Ataǵy elge jaıyldy
Qurmettedi bar halyq
Talaı óleń jazyldy
Talaı dastan arnalyp
Eńbek eri ataǵyn
EKi ret aldy Nurekeń
Sondyqtan da tebirenip
Nurekeńdi jyr etem
Onyń ómir joldaryn
Talaı aqyn jyr etti
Sol bir uzaq dastanǵa
Men jalǵaımyn júrekti
Júrgizýshi: Kapıtalısik, sosıalısik eki júıede ómir súrip, óz eńbegimen eline áıgili bolǵan Nurmolda Aldabergenov aǵamyzdyń esimi tarıhqa máńgilikke altyn árippen jazylǵan qasıetti de kıeli adam.
Álemniń aldyn kórgen óreni me eń?!
Tappadym dál ózińdeı tóreni men
Bilikti júrek tórden óre bilgen,
Tý ustar túrki jurttyń jeberi me eń!
Kelesi kezekti ádebı montajdy tamashalaý úshin mektebimizdiń oqýshylaryna beremiz.(Óleńderi, arnaýlary oqylady).
Júrgizýshi:
Ańyzyn Nuraǵanyń sherte bilsin
Erliktiń erte uıytqan ertegisin.
Ar tunyp, alǵy kúnge urpaq óser,
Turǵanda kıe jerde bórte músin.
Oqýshylardyń oryndaýynda bı tamashalańyzdar.
Júrgizýshi: Jıyrmasynshy ǵasyrda dúnıege kelip óz dáýiriniń asa kórnekti qoǵam qaıratkeri, «Dala akademıgi» atanǵan eki márte sosıalısik eńbek eri Nurmoldany eske alǵanda, onyń ushqan uıasyn, qara shańyraǵyn jalǵastyrýshy - urpaǵyn eske almasqa bolmaıdy. «Ornynda bar, ońalar» demekshi atamyzdyń qyzy, mektebimizdiń ardager ustazy Rabıǵa Nurmoldaqyzyna sóz beremiz.
Júrgizýshi: «Óz ulyn, óz erlerin, eskermese,
El tegi alsyn qaıdan kemeńgerdi»,-
dep İlıas aǵamyz aıtqandaı, óleń jyrdyń júıitkigen júırigine aınalǵan dara tulǵa Nurmolda Aldabergenov atamyzdyń murasy urpaqtar esinde máńgilikke saqtalady! Nurmolda atamyzdy kózin kórgen aýyl aǵalary men apaılarymyzǵa sóz bereıik.
Júrgizýshi: Qurmetti kópshilik, qadirmendi qonaqtar! «Óli razy bolmaı, tiri baıymaıdy» degendeı, alyp tulǵalardyń esimin, eline sińirgen eńbegimen úlgili isin nasıhattaý, olardy urpaqtan – urpaqqa mıras etip qaldyrý – bizdiń azamattyq paryzymyz.
Júrgizýshi: Qorytyndy sóz mektep dırektory Qılybaev Qalıas Eshtaıulyna beriledi.
Júrgizýshi: Qoǵam qaıratkeri, eki márte Sosıalısik Eńbek Eri Nurmolda Aldabergenovtyń 110 jyldyq mereı toıyna arnalǵan «Uly dala akademıgi» atty ádebı sazdy keshimiz óz máresine jetti.
Kórip tamashalaǵandaryńyzǵa kóp, kóp rahmet.

«Kóksý aýdany Muqyry aýyly
Japsarbaev atyndaǵy orta mektebi»,
komýnaldyq memlekettik mekemesi,
matematıka pániniń muǵalimi
J. Á. Sabyrqulova