InfoHub Logo

İlgeride óte aqyldy ári dana bir patsha ómir súripti. Ol ajaly jaqyndap, ómirden ótetinine kózi jetken shaǵynda balalary men ýázirlerine mynadaı úsh ósıet qaldyrypty:

1. Meni jerleýge alyp shyqqanda denemdi qabir basyna deıin tek dárigerlerim ǵana kóterip aparsyn;

2. Denemdi alyp shyqqanda myna jatqan jerimnen kórime deıin altyn-kúmis teńgeler shashyp otyryńdar;

3. Eki qolymdy kebinnen shyǵaryp, salbyratyp, ashylǵan kúıde qaldyryńdar.

 Patsha ósıetin muqıat tyńdaǵan bas ýázir oǵan barlyq ótinishteriniń oryndalatynyn jetkizip, olardyń mánin túsindirýin ótinedi. Sonda patsha tereń kúrsinip: «Osy kúnderi bir nársege kózim tolyq jetýde. Artymda qalǵandarǵa sony sabaq retinde qaldyryp ketkim keledi!

Birinshi ósıetim - adamǵa ólim naqty keletin bolsa, tipti qasyndaǵy myqty dárigerlerdiń ózi odan qutqaryp qala almaıtynyn ári ómir men densaýlyq eshbir adamnyń qolynda emes ekenin túsindirý edi.

Ekinshisi – mal-dúnıe jınap sharshaǵan ýaqyttarymyz bekerge ketken eken, súıip ótken altyn-kúmisimizge deıin artymyzda shashylyp qalady eken degen shyndyqty uǵyndyrý.

Úshinshisi – ómirge kelgende qolymyz bos bolyp edi, ketip bara jatqanda da dál solaı bos kúıinde attanady eken degen aqıqatty eske salý!», - degen eken.

---