InfoHub Logo

9 synyp
Taqyryby: Ádeptilik - adamgershilik bastaýy
Sabaqtyń maqsaty: Oqýshylardy qarym - qatynas mádenıetine úıretý, olardyń ádep, ádep saqtaý uǵymdary týraly túsinikterin keńeıtý.
Sabaqtyń mindetteri:
- oqýshylarǵa ádep, ádep saqtaý týraly túsinikterin tereńdetý;
- oqýshylardyń etıkalyq qarym - qatynastaryn damytýǵa yqpal etý;
- oqýshylardy izetti, iltıpatty, sypaıy bolýǵa tárbıeleý
Pánaralyq baılanys: mýzyka, tarıh beıneleý, psıhologıa

Shattyq sheńberi: Ádep (Ǵ. Qarash)
Jigitter, janyń jasta ádep úıren,
Qash jyraq, ádebi joq isten shırek
Súıkimdi ádep tutpaı bola almassyń,
Ádepsiz, joq minezi táńiri súıgen

Oılanaıyq, pikirleseıik
1. “Ádeptilik – adamgershilik bastaýy”degendi qalaı túsinesiń?
2. Óz is - áreketińnen uıalǵan keziń boldy ma?
3. Ádepti adam boıynda qandaı qasıet bolýy qajet?

Ádeptilik álippesi
N. Shakýzadauly
.. Adam balasynyń bári bul ómirde baqytty bolsam deıdi. Sol baqytqa jetý úshin qolynan kelgen bar múmkindigin istep baǵady.
Biraq, kóbisi baqytqa aparar eń ońaı joldy umytyp jatady.
Bul jol - ádeptilik joly.
Al, ádeptilik adamnyń ishki jan dúnıesi, onyń ıntellektisi, parasaty men sezimi syrtqy kelbetinen, kózderinen, bet - álpetinen, sondaı - aq tulǵa -
músini men minez-qulqynan kórinis tabady.

Ádep arqyly jeke adamnyń adamdar arasyndaǵy qadir - qasıeti arta túsedi. Ol elge osylaısha syıly bolady. Mundaı ádepti adam isteıtin isine, sóıleıtin sózine, qabyldaıtyn sheshimine basa nazar aýdarady. Adam - óz ómirine ózi qoja. Óıtkeni, ol óz turmys tirshiligin ózi rettestirip otyrýǵa qabiletti. Ol óziniń osy bir qabiletin durys paıdalana alǵan jaǵdaıda ǵana degenine jete alady. Bul da ádeptilikke baılanysty. Sebebi adamdy ádeptilik basqarmaǵan jaǵdaıda ádeptilikke jat nárseler ony jaýlap alady. Olaı bolsa, adam ádep normalaryn attap ketpeı, óziniń barlyq is - áreketterin osy qaǵıdalarmen baǵamdaı alǵanda, minez - qulqyn ádep erejelerine saı ustaı alǵanda, ózin - ózi ádeptilik turǵysynan qadaǵalaı alǵanda ǵana bul ómirdegi, tirshiliktegi dittegen armanyna jete almaq.

Oı tolǵanys
• Óz ortańmen úılesimdi bolýdyń máni nede?
• Ádepti ádetke qalaı aınaldyrýǵa bolady?
Dáıeksóz
Inabat - erdiń azyǵy,
Baqyt penen dáýlettiń
Ustaıtuǵyn qazyǵy. (Q. Ábýbákir)

Jaǵdaıattardy taldaý
Arman bir top balamen sabaqtan kele jatqany sol edi, aýlada otyrǵan úlken kisiler: - “ Osy bala jaqsy bala, túbinde jaqsy azamat bolady ”- dep bir – birine maqtaı bastady.
- Armannyń aınalasyna erekshe kórinýiniń syry nede?
Qonaqtar shaqyrylǵan ýaqytta bári jınaldy. Qonaqtardyń bári de birin - biri jatyrqamaı, tez shúıirkelesip ketti.
Áńgime kúndelikti qajetti zattardyń qymbattaýy týraly aıtylǵan kezde, osy úıdi uly Samat ta úlkenderdiń sózine aralasyp, óz oıyn bildirdi: - Iá, tipti bazardaǵy tamaq ta qymbattap ketipti. Ony anam ekeýmiz bazarǵa barǵanda biraq bildik. Tipti, órik – múıizdi almaı - aq qoısa bolmaı ma?- desem, “Qonaqtardan uıat bolady, olar bizdi jaǵdaıy joq eken dep oılap ketpeı me ”- dedi... Qonaqtar bir - birine qarady.