InfoHub Logo

Almatydaǵy Nazarbaev zıatkerlik mektebinen emtıhan kezinde ereje buzǵany jáne muǵalimdi balaǵattaǵany úshin oqýshy shyǵaryldy. Ata-analar tarapynan qysym kórsetilip jatqany jónindegi aqparatqa baılanysty belgili advokat Taır Nazhanov pikir bildirdi.

▪️ «Úzdik mektepterde mundaıǵa keshirim joq»
– Eń úzdik mektepterde ádepsizdikke eshkimge keshirim jasalmaıdy. Ereje bárine ortaq. Senim de osydan qalyptasady, – dedi Nazhanov.

Onyń aıtýynsha, bul oqıǵa bir oqýshynyń tártibinen góri, tutas bilim berý júıesiniń bedeli men qaǵıdalaryna tikeleı áser etedi. Advokattyń pikirinshe, eger mektep ata-analardyń aryzy men «telefon shalý» arqyly qysymǵa kónse, onda mundaı mekeme qaǵaz júzinde ǵana mektep bolyp qalady.

– Mundaı jaǵdaıda jeńildik jasaý – júıeni ishten iritip-shiritýmen teń. Elıtalyq mektepke mundaı tártipsiz oqýshy qalaı qabyldanǵany da – bólek suraq, – dedi Taır Nazhanov.

Oqıǵa qoǵamda qyzý talqylanyp jatyr. Sarapshylar pikirinshe, bul jaǵdaı bilim berý mekemelerindegi tártip, talap pen senim máselelerin qaıta qaraýǵa túrtki bolýy múmkin.