InfoHub Logo

Shymkent qalasy ákiminiń orynbasary Rýslan Berdenovti atý deregine baılanysty tergeý jalǵasyp jatqan tusta, kúdiktiniń jubaıy Lýıza Aldanova áleýmettik jelide alǵashqy ret málimdeme jasady. Onyń aıtýynsha, sońǵy bir aı otbasy úshin aýyr synaqqa aınalǵan.

▪️ «Japa shekken Berdenovtiń amandyǵyn tiledik»
– Ótken bir aıda ár mınýtymyz ýaıymmen ótti. Rýslan Berdenov myrzanyń saýyǵyp, aýrýhanadan úıine oralǵanyn estidik. Endi erterek aıyǵyp, qyzmetine qaıta oralsyn dep tileımiz, – dedi Aldanova.

▪️ «Bul iske meniń qatysym joq»
Aldanova atyshýly oqıǵaǵa óziniń qatysy bary týraly jelide taraǵan qaýesetti joqqa shyǵardy.
– Ata-anamnyń bergen tárbıesi, ımanym meni mundaı arsyz áreketten saqtaıdy. Bul iske eshqandaı qatysym joq, – dep jazdy ol.

Eske sala keteıik, kúdikti qamaýǵa alynyp, «qasaqana kisi óltirýge oqtalý» baby boıynsha tergelip jatyr. Ol oqıǵany otbasylyq janjalmen baılanystyryp, «Berdenov meniń áıelime tıisken» degen ýáj aıtqan.

İs qoǵamda úlken rezonans týdyryp otyr. Tergeý organdary naqty mán-jaıdy anyqtaý jumystaryn jalǵastyrýda.