Aǵybaı men Qunanbaı (İ nusqa)
Shubyrtpaly Aǵybaı batyr bir jumyspen Súıindik Musany izdep úıine barsa, Musa tobyqty Qunanbaıdikine ketti depti. Qunanbaıdyń úıine barsa, Qunanbaı men Musa sóılesip otyr eken. Sálem berip úıge kirip kelgende, Musa sálemin alyp, Qunanbaı elemepti. Aǵybaı qamshysyn tizesiniń astyna basyp kútip otyryp, Musamen sózin bitirip bolǵan soń, Qunanbaıǵa:
— Sálem berdim aldyńa,
Qabyl kórip aldyń ba,
Kózińniń qyryn saldyń ba?
Mynaý kelgen meıman kim dep,
Silkip kórpe saldyń ba?
Eki kóziń aldyńda,
Osyndaı sopy boldyń ba?
Esikten kelgen tondyǵa
Tondy dep kóńiliń toldy ma?
Op-ońaı tondy boldy ma?
Ózin-ózi zor tutqan,
Paıǵambardy qor tutqan
İbilis malǵun ońdy ma?! —
dep úıden shyǵyp ketipti. Qunanbaı «bul kim edi?» dep suraǵanda, «bul — Aǵybaı batyr» depti. Qunanbaı artynan tura júgirip shaqyrtqan eken, atqa minip qalǵan Aǵybaı batyr artyna qaıyrylmaı júrip ketipti.
Oqýǵa keńes beremiz:
Naýryzbaıdyń jolbarysty óltirýi
Qurmanquldyń Naýryzbaıdyń erligine rıza bolýy
You Might Also Like
-
Sarttardy birneshe ret Esenkeldi, Sarjan, Erjan shaýyp kemshilik keltire bergen soń, sarttar ádeıi kisi jiberedi. «Biz qaralyq, balalaryn jibersin, sóılesip eki aramyzdy jalǵastyryp turalyq&raqu...
-
Bir kúni Kenesary ordasynda batyr, bıler basyn qosyp, bizdiń zamanymyzda asqan batyr kim degen áńgime bolyp, «Aǵybaıdan asqan er joq», — dep Kenesary ózi bas bolyp, barlyǵy da Aǵy...
