InfoHub Logo

Aqmolanyń dýanbasy Ybyraı tóreniń úıinde Súıindik eliniń basty adamdary tústenip otyrady. Daladan úıge bir bala úreılene júgirip kelip:

— Ata, ústi qyp-qyzyl jún, moınynda salpyldaǵan temir- leri, naızasy bar, túıedeı bir úlken kisi túsip jatyr, — deıdi.

Úıdegiler ony dıýana bolar dep joramaldaǵansha, álgi úlken adam alshań basyp úıge kirip keledi. Bul ústinde taı jaǵasy bar, syrtyna saýyt-saımannyn asynǵan shubyrtpaly Aǵybaı batyr eken.

Úıdegiler jabyrlaı ushyp túre kelip qolyn alyp, Aǵybaıǵa oryn berisedi. Al dýanbasy Ybyraı ony tanymaǵansyp:

— Ýa, qonaqtar, myna tondyń kim edi, sonsha abyrjydyńdar? — deıdi.

Aǵybaı batyr sonda Ybyraıǵa tóne qarap, bir tizerlep otyra qalypty. Qanjaryn sýyryp alyp:

— Úıge kelgen tondy ma,
Tondy kesir boldy ma?
Buqarany qor tutqan,
Ózin-ózi zor tutqan
Tóre tuqymy ońdy ma?!

Osy qylyǵyń úshin seniń qazir búıirińdi tesip, búıregińdi alsam ba eken, basyńdy kesip, tabanyma salsam ba eken? — dep tura umtylady. Dýanbasy Ybyraı sasqanynan jylap jiberedi. Úıdegiler batyrǵa jalynyp, ázer arashalaıdy.

Ybyraı aıyby úshin osy joly Aǵybaıǵa tulpar at berip, ústine qamqa ton jaýyp, zorǵa qutylady.

Oqýǵa keńes beremiz:

Naýryzbaıdyń qaryndasy

Naýryzbaıdyń jolbarysty óltirýi

Qurmanquldyń Naýryzbaıdyń erligine rıza bolýy

---