InfoHub Logo

Semeı qalasy «№44 JOBBM» KMM
5 «G» synyp oqýshysy Magrıpov Azamat
Jetekshisi: Atımanova Nýrgýl Mınıahmetovna

Sizsiz áke - eń aqyldy, eń shynshyl,
Sizsiz áke - eń jaqynym, eń syrshyl.
Shýaq shashqan qashanda asyl júregiń,
Janymdasyń, qamqorymsyń bilemin.
Qabyl alǵyn bala – júrek tilegin.

Ár otbasynda ákeniń orny erekshe. Áke - otbasynyń asyraýshysy, otbasy músheleriniń tiregi, qamqorshysy. Ákeniń minez - qulqy, ózgelermen qarym - qatynasy, óneri men bilimi ózime úlgi, ónege alatyn, oǵan qarap ósetin nysanam. Otbasynyń bereke, yntymaǵy úshin ákemniń ádil, ustamdy bolýy men úshin orasan mańyzǵa ıe. Otbasymyzdyń  uıytqysy, berekesi, meıir - shapaǵat kózi – meniń ákem.

Ákem meniń asqar taýym, tiregim,
Bárinen de sen qymbatsyń bilemin.
Qanat qaǵyp ketsem alys qıaǵa,
Sen dep soǵar judyryqtaı júregim.
«Áke - asqar taý, ana qaınar bulaq, bala jaǵasyndaǵy quraq» degendeı «Áke» degen sóz qandaı jaqyn, qandaı ystyq deseńshi!. Ómirde ákesin jaqsy kórmeıtin bala joq shyǵar, óıtkeni biz úshin ákeniń orny bólek qoı. Meniń ómirdegi qymbat, eń qymbat adamym ol - meniń súıikti ákeshim. Ákem meniń kishkentaıdan aqylshym, qamqorshym. Men sizden kóp tárbıe aldym.

«Ákeń barda oryndalar armanyń» degendeı, ómirdegi keregińdi aldymen bir Alla, ekinshi ákeń bereri anyq. Bul dúnıede alýan túrli taǵdyr bar. sol taǵdyrdyń basty sebepkeri - biz sıaqty balalar. Alaıda ómirdiń esigin kózi tyrnap asha salysymen ákeniń «Balam, botam» degen erkeleter sózin estimeı jetim nemese tastandy bala bolyp dúnıege kelip jatqan sábıler de bar. Sábı kóńil ákesi tipti ol oılaǵandaı jaqsy adam bolmasada, «Shirkin, meniń ákem bolsa qandaı jaqsy bolar edi!» dep armandaıdy. Osyndaı balalardy kórgenimde ózimniń anam da, ákem de bar ekenine ózimdi baqytty sanaımyn. Sol baqytymdy eshqashan aıyrmasa eken deımin. Tamaǵymnyń toqtyǵy, kıimimniń bútindigi, oqýymnyń sapasy, uıqymyzdyń tynyshtyǵy - osynyń bári de asqar taýdaı aıbatty ákelerdiń arqasy. Endeshe bar balanyń baqytyna bir Alladan keıingi panasy «Ákeler» aman bolsa eken deımin.

Ardaqty jan ómirde áke degen.
Baqyttymyn ómirde ákem barda,
Sol bastaýshym - bıikke jetelegen.
Asqar taýym aman júr, aıaýly ákem,
Jaqsy ónege berdińiz maqtan etem.
Kip-kishkentaı júregim sendiredi,
Men ózińdi, áketaı, baqytty etem!

---