InfoHub Logo

Qytaı eliniń ǵalymdary mıkrotıamen, ıaǵnı qulaǵy týmysynan joq nemese damýy jetilmegen bes balaǵa qulaq «ósirip» berdi.

Organnyń árbiri pasıentterdiń óz jasýshalarynan alynǵan. Qulaqtyń qajetti pishinin mamandar 3D-prınter tehnologıalary arqyly jasaǵan.

Statısıka boıynsha, álemdegi bes myń balanyń bireýi mıkrotıamen ómirge keledi eken. Ádette, ondaı sábıdiń qulaǵynyń ornyna – kishkentaı tompaq isik ósip shyǵady. Kóp jaǵdaıda ol qatardaǵy balalardyń estý qabileti nashar keledi. Buryn mıkrotıa plasıkalyq hırýrgıanyń kómegimen eńserilip júrgen. Naqtyra aıtqanda qulaq jasandy materıaldardan nemese qabyrǵanyń shemirshekti bóliginen jasalyp, basqa jalǵanǵan.

Biraq, jaqynda atalǵan otalar jańa tehnologıalar boıynsha jasala bastaıdy degen senim bar. Sebebi, Qytaı ǵalymdarynyń estý organyn pasıenttiń óz jasýshalary arqyly jasaý boıynsha tájirıbeleri sátti ótken. Ol úshin qulaqtyń zaqymdalǵan mıkrotıasynan negizgi jasýshalyq shemirshekti tindi (tkan) – hondrosıtterdi bólip alynǵan. Budan keıin olardyń ornyn arnaıy bıobólshektenetin qańqamen toltyryp, jalǵanǵan qulaq úsh aı boıy ósirilgen. Jańa shemirshekti tıisti qalypqa keltirý úshin mamandar KT-skanerleý men 3D-prınterde basylǵan pasıentterdiń saý qulaǵynyń modelin qoldanǵan.

«3D-prınter – bul jaı ǵana jasýshalardy keltirý ádisi. Onyń eń basty jetistigi – birshama jasýshalardyń tindi qalyptastyra alatyndaı jaǵdaıǵa jetkizilýi. Buǵan qosa tinge aınalyp shyǵa keletin izbasar-jasýshalardy engize bilý kerek. Biraq, bul jasýshalar aldymen bólinip alynýy tıis. Bul jerde oqpandy jasýshalar salasyndaǵy jetistikterdiń mańyzy erekshe», - deıdi A.N. Belozerskıı atyndaǵy Máskeý memlekettik ýnıversıtetiniń fızıka-hımıa men bıologıa baǵytyndaǵy ǴZI ǵylymı qyzmetkeri Alekseı Nesterenko.

Derekkózi: russian.rt.com

---