InfoHub Logo

Ózińiz ońaı-aq ázirleı alatyn taǵamdarǵa úlken somada qarajat jumsaý múlde qajet emes. Eger siz tamaq ázirlegendi unatatyn bolsańyz, onda biz jınaqtaǵan meıramhana taǵamdarynyń úı reseptteri toptamasy sizge de unaıtyn bolar.

Siz úıde ońaı-aq ázirleı alatyn taǵamdarǵa keı kezde aqylǵa syımaıtyn qarajat jumsaý múlde qajet emes. Sonymen qatar, óz jaqyndaryńyzdy qýantýdyń eń úzdik tásilderiniń biri – osy úzdik taǵamdardyń birin ózińizdiń ázirleýińiz.

Eger siz tamaq ázirlegendi unatatyn bolsańyz, onda biz jınaqtaǵan meıramhana taǵamdarynyń úı reseptteri toptamasy sizge unaıtyn shyǵar.

1. Kapreze

Sizge qajet:
Qyzanaq — 800 g
Mosarella — 350 g
Balǵyn nasybaıgúl — 8-10 japyraqshasy
Záıtún maıy — aralastyrý úshin
Tuz, burysh — dámine qaraı

1. Qyzanaqtardy juqa etip dóńgelektep týrap, mosarella tilimderimen kezektestire otyryp tárelkege salyńyz.

2. Salatqa záıtún maıyn quıyp, tuz ben burysh qosyńyz.

3. Betin nasybaıgúl japyraqshalarymen bezendirip, salatty dastarhanǵa qoıyńyz.

 

2. «Makaron» pechenesi

Sizge qajet:

Badam uny — 2/3 staqan
Qant — 5 as q.
Vanıl syǵyndysy — 1 as q.
Qant untaǵy — 1,5 staqan
Jumyrtqanyń aǵy — 3 dana
Sary maı — 7 as q.
Sút  — 3,5 as q.
Vanıl syǵyndysy — 1 sháı q.
Jumyrtqanyń sarysy — 2 dana
Qant nemese qant untaǵy — 1/4 staqan

1. Dýhovkany 120 ºC-qa deıin qyzdyrýǵa qoıyńyz, onyń pisiretin qalybynyń ishine pisirýge arnalǵan qaǵazdy tóseńiz.

2. Tabaqqa qant untaǵy men badam unyn aralastyryp, alynǵan qospany eleýishten ótkizińiz.

3. Jumyrtqanyń aǵyn bólip alyp, ony jeke tabaqqa aralastyrǵyshpen shaıqańyz da oǵan qant pen vanıl syǵyndysyn qosyp, qant erigenshe shaıqaýdy jalǵastyryńyz.

4. Eki qospany biriktirip, birkelki qospa paıda bolǵansha aralastyryńyz. Daıyn qamyrdy kondıterlik qaltaǵa salyp, piskende makaron pishinde bolatyn kishigirim dóńgelekterdi tabaqqa syǵyp shyǵaryńyz. Dýhovkada 15-20 mınýt pisirip, sodan keıin salqyndatyńyz.

5. Endi arasyna salatyn salyndysyn ázirleńiz. Sary maıdy birkelki etip eritińiz, jumyrtqanyń sarysyn qant nemese qant untaǵymen aralastyryp shaıqańyz, sút qosyp taǵy da shaıqańyz.

6. Tómen alaýda jumyrtqa-sút qospasyn qoıýlanǵansha qyzdyryńyz, al sodan keıin bólme temperatýrasyna deıin salqyndatyp sary maıdy, vanıl syǵyndysyn qosyp, birkelki krem konsıstensıasy (qoımaljyńy) paıda bolǵansha aralastyryńyz.

7. Makarondardyń bir bóligine salyndyny salyp, ekinshisin soǵan biriktirińiz de dastarhanǵa qoıyńyz.

3. İrimshikti tárelke

Sizge qajet:

Jańa ázirlengen eshki sútiniń irimshigi — 150 g
Brı nemese kamamber — 150 g
Sıyr sútinen ázirlengen jartylaı jumsaq irimshik — 150 g
Qatty irimshik — 150 g
Kók irimshik — 150 g
Júzim — 2-3 shoq júzim
Grek jańǵaǵy — 100 g
Badam — 100 g
Bal — dámine qaraı

1. İrimshikterdi kesip, kishigirim aǵash taqtaıǵa qoıyńyz. İrimshikti óte kishkentaı tilimderge bólmeńiz, óıtkeni iri etip kesilgen irimshikter balǵyn kúıin uzaǵyraq saqtaıdy.

2. İrimshikterdiń arasyna júzim jıdekteri men jańǵaqtardy bólip salyńyz. Ádemilik úshin gúlsheten butaqshasy men cherrı qyzanaqtaryn qosýǵa bolady. Eger qalasańyz, irimshikti tarelkany kishigirim ydysqa quıylǵan balmen birge berińiz.

4. Grýzın phalıi

Sizge qajet:

Saýmaldyq japyraqtary — 500 g
Tazartylǵan grek jańǵaqtary — 120 g
Ortasha kólemdi jýa — 1 dana
Sarymsaq — 2-3 bólik
Balǵyn kúnze — 1 býma
Anar túıirshikteri — bezendirý úshin
Hmelı-sýnelı dámdeýish — 1 sháı q.
Aq sharap sirke sýy nemese anar shyryny — 1 sháı q.
Tuz, jańa untaqtalǵan qara burysh — dámine qaraı

1. Saýmaldyqty jaqsylap jýyp, qaınap jatqan sýda 5 mınýttaı ustańyz. Súzip alyp, sýy sorǵyǵannan keıin syǵyp, blenderde untaqtańyz.

2. Blenderde grek jańǵaqtaryn, sarymsaqty, túıindi pıaz ben kókónisti usaqtańyz, dámdeýishter, tuz ben burysh qosyńyz. Aralastyryp, osy qospaǵa untaqtalǵan saýmaldyqty qosyńyz. Sosyn azdap sharap sirke sýyn quıyńyz.

3. Alynǵan qospadan ortasha kólemdegi domalaq sharlar jasańyz. Phalıdi anar túıirshikterin seýip jáne kúnze butaqshasymen bezendire otyryp usynyńyz.

5. Rıbaı-steık

Sizge qajet:

Cıyr etinen steık — 300 g
Záıtún maıy — 3 as q.
Dámdeýish pen tuzdyqtar — dámine qaraı

1. Steıktiń eki jaǵyna da záıtún maıyn jaǵyp, tuz ben burysh sebińiz jáne qajetti dámdeýishterdi qosyńyz.

2. Aldyn-ala qyzdyrylǵan grıl-tabaǵa etti salyp, eki jaǵyn da bir mınýttan qýyryp alyńyz.

3. Otty tómendete otyryp, steıktiń eki jaǵyn da 7-10 mınýttan qýyryńyz (ýaqyt ózińiz qalaǵan qýyrý dárejesine baılanysty).

4. Daıyn steıkti tuzdyqpen, kókónis nemese balǵyn kók shóptermen bezendire otyryp, usynyńyz.

6. Arqanbalyqpen jáne pashot-jumyrtqamen tost

Sizge qajet:

Tuzdalǵan arqanbalyq — 150 g
Sary maı — 50 g
Jumyrtqa — 4 dana
Bútin dánekti unnan ázirlengen nan — 4 tilim
Tuz jáne burysh ı peres — dámineqaraı
Balǵyn kók shóp — bezendirý úshin

1. Nandy tabada, dýhovkada nemese tosterde azdap keptirip alyńyz. Oǵan sary maı jaǵyńyz.

2. 4 pashot jumyrtqa pisirińiz.

3. Arqanbalyqty juqa tilimderge bólip, tostqa salyńyz, al ústine pashot jumyrtqalardy ornalastyryńyz.

4. Balǵyn kók shóptermen bezendire otyryp usynyńyz.

7. Braýndar

Sizge qajet:

Sary maı — 2 orama
Qara shokolad — 250 g
Qońyr qant sahar — 1 staqan
Usaq qant — 1 staqan
Jumyrtqa — 4 dana
Tuz — 1/2 sháı q.
Vanıl syǵyndysy — 2 sháı q.
Un — 1 staqan
Ýaqtalǵan grek jańǵaqtary — 1/2 staqan
Balmuzdaq — dámine qaraı
Balǵyn jalbyz — dámine qaraı

1. Dýhovkany 170 ºS-qa deıin qyzdyryńyz, pisirýge arnalǵan qalypty ázirleńiz, ishine qaǵaz tósep, maı jaǵyńyz.

2. Tegeshke maı men shokoladty (sý býynda nemes qysqa tolqyndy peshte eritilgen) jáne qantty aralastyryńyz.

3. Bólek ydysqa jumyrtqany, qant pen vanıl syǵyndysyn salyp, aralastyrǵyshpen shaıqańyz.

4. Qospalardy biriktirip, birtindep un men ýaqtalǵan jańǵaqtardy qosa otyryp tıisinshe aralastyryńyz. Birkelki qospa alynýy tıis.

5. Qamyrdy qalypqa quıyp, 35-40 mınýt pisirińiz. Salqyndaǵannan keıin qalaǵan pishindegi tilimderge bólińiz.

6. Braýndardy balmuzdaq domalaǵy jáne jalbyz butaqshasymen birge usynyńyz.

8. Kókónistermen kómeshtelgen arqanbalyq

Sizge qajet:

Burshaqqyndy úrme burshaq— 300 g
Qyzyl burysh — 1 dana
Cherrı qyzanaqtary — 15 dana
Arqanbalyq (steık) — 4 dana 125-150 g-nan
Jarty lımonnyń shyryny
Tuz, burysh — dámine qaraı

1. Dýhovkany170ºS-qa deıin qyzdyryńyz jáne pisirýge arnalǵan qalypty ázirleńiz, oǵan qaǵaz tósep, birneshe as qasyq sý sebińiz. Burshaqty qaınaǵan sýǵa 3-4 mınýt býlańyz.

3. Qalypqa arqanbalyqty salyp, oǵan lımon shyrynyn sebińiz, tuz, burysh sebińiz jáne qajetti dámdeýishterdi qosyńyz. Ústine kókónisterdi salyńyz. Qalyptyń betin pisirýge arnalǵan qaǵazben jabyńyz.

4. Balyq daıyn bolǵansha shamamen 20 mınýttaı pisirińiz.

9. Klasıkalyq jýlen

Sizge qajet:

İrimshik — 50 g
Taýyq eti — 100 g
Shampınon — 60 g
Sút — 200 ml
Bıdaı uny — 15 g
Suıyq maı — qýyrý úshin
Sary maı — 30 g
Jebirshóp — 2 g
Sarymsaq  — 1 bóligi
Tuz, burysh — dámineqaraı

1. Taýyq etin juqa tilkemderge, sańyraýqulaqty usaq bólikterge kesip bólińiz, al irimshikti iri úkkishten ótkizińiz. Sarymsaqty usaqtap týrańyz.

2. Qyzdyrylǵan tabaǵa suıyq maı quıyp, taýyq etin bir-eki mınýt qýyryńyz, sosyn qalǵan ıngredıentterin qosyp, barlyǵyn bes mınýttaı qýyryńyz. Jebirshóp, dámdeýishter men tuzdyqtar qosyńyz. Ottan túsirińiz.

3. Tuzdyq ázirleńiz. Qurǵaq tabada undy sarǵaıǵansha qýyryp, suıyq maı qosyńyz, sút quıyńyz, sosyn tıisinshe aralastyra otyryp, tuzdyq qaınaýǵa aınalǵanda ottan túsirińiz.

4. Jýlenge arnalǵan kishkentaı temir ojaýǵa taýyq eti men kókónisterdi salyp, tuzdyqty quıyńyz, úkkishten ótkizilgen irimshikti seýip, aldyn ala 200 ºS-qa deıin qyzdyrylǵan dýhovkada bes mınýttaı pisirińiz.

10. "Margarıta" pıssasy

Sizge qajet:

Pıssaǵa arnalǵan qamyr — 500 g
Nasybaıgúl — 10 butaqsha
Tomat tuzdyǵy — 5-6 as q.
Qyzanaq — 5 dana
Mosarella — 250 g.
Záıtún maıy — 2-3 as q.
Oregano — birneshe shymshym

1. Dýhovkkany 180 ºS-qa deıin qyzdyryp, pisirýge arnalǵan qalypty maılańyz.

2. Qamyrdy jaıyp, qalypqa salyńyz. Oǵan maı, tomat tuzdyǵyn jaǵyńyz, betine dóńgelekteı kesilgen qyzanaqtardy, sosyn mosarellany, sodan keıin – nasybaıgúl japyraqtaryn salyńyz.

3. Pıssany 15-20 mınýt pisirińiz.

---