InfoHub Logo

Ál-Farabı atyndaǵy Qazaq Ulttyq Ýnıversıteti - Qazaqstan Respýblıkasynyń eń aldyńǵy qatarly oqý orny bolyp sanalady. 1934 jyly qurylǵannan bastap otandyq ǵylym men joǵary bilimniń damýyna eleýli úles qosyp, kásibı ǵylym men pedagogıkalyq mektepterdiń negizin qalady. Ýnıversıtettiń árbir túlegi qoǵamnan óz ornyn taýyp, óz mamandyqtarynyń kóshbasshylaryna, tanymal saıasatkerlerge, jýrnalısterge jáne qoǵamdyq qyzmetkerlerge aınaldy. Memleket basshysynyń strategıalyq baǵytyn júzege asyrý barysynda ýnıversıtet basshylyǵy bilim berý salasynda aıtarlyqtaı ózgeristerge qol jetkizdi.

                                            

Búgingi tańda Ál-Farabı atyndaǵy QazUÝ bilim alýshylarǵa alýan túrli mamandyqtardy usynatyn bilim men ǵylymnyń ordasy. Ýnıversıtet quramynda 16 fakúltet, 67 kafedra, 32 ǵylymı-zertteý ınstıtýty men ortalyqtar, tehnopark qyzmet atqarady: 2000-nan astam profesor, doktor, ǵylym kandıdaty men fılosofıa doktorlary, 100-den astam akademıalardyń akademıkteri, 40-tan asa Qazaqstan Respýblıkasyna eńbek sińirgen qaıratkerleri, 40-qa jýyq Qazaqstan Respýblıkasynyń memlekettik jáne ataýly syılyǵynyń laýreattary, sondaı-aq 40 jas ǵalymdar syılyǵynyń laýreattary men 47 memlekettik ǵylymı stıpendıalardyń stıpendıanttary eńbek etedi. Ýnıversıtette kásibı bilim berý kópsatyly júıesi boıynsha 25 myńnan astam stýdentter men magıstranttar bilim alýda. Sonymen qatar ýnıversıtet tájirıbe júrgizý men stýdenttermen almasýda jáne zamanaýı halyqaralyq bilim baǵdarlamalaryn júzege asyrýda álemniń eń iri 418 halyqaralyq joǵarǵy oqý ornymen yntymaqtastyq ornatqan.

Ál-Farabı atyndaǵy QazUÝ álemdik ýnıversıtetter arasynda óz bedelin arttyra túsýde. Jahanǵa tanymal QS World University Rankings halyqaralyq reıtıńisinde álemniń eń úzdik ýnıversıtetteri arasynda júıeli túrde joǵarǵy oryndarǵa jyl sanap jyljyp otyrýy ýnıversıtettiń durys baǵytyn aıqyndaı túsedi. 2020 jylǵy reıtıńke sáıkes QazUÝ álemniń eń úzdik únıversıtetteri arasynda 207 orynǵa ornalasty. TMD elderinen bul topqa tek Lomonosov atyndaǵy MMÝ men Ál-Farabı atyndaǵy QazUÝ engen.

                                            

QS World University Rankings - bilim jáne ǵylym salasyndaǵy jetistikterdiń kórsetkishi boıynsha álemdik mańyzy bar eń úzdik joǵary oqý oryndarynyń reıtıńisine ilese júretin jahandyq zertteý. Atalǵan halyqaralyq reıtıń búkil álemde bilim sapasyn baǵalaýdyń tamasha quraly retinde tanylǵan. Reıtıń nátıjeleri alty ındıkatorǵa negizdeledi: ǵylymı zertteýler salasyndaǵy bedeldilik; oqytýshylar quramynyń stýdentter sanyna qatynasy; jumys berýshiler arasyndaǵy ýnıversıtettiń bedeli; dáıeksóz ındeksi; sheteldik stýdentterdiń úlesi jáne sheteldik oqytýshylardyń úlesi. QS World University Rankings halyqaralyq reıtıńisi ýnıversıtetterdiń eń bedeldi halyqaralyq reıtıńteriniń úshtigine kiredi jáne bul tizimge ený ýnıversıtettiń jumys sapasyn halyqaralyq dárejede moıyndalǵanyn bildiredi.

Dúısembaıuly Dıdar - Ál-Farabı atyndaǵy Qazaq Ulttyq Ýnıversıtetiniń 1-kýrs magıstranty

Ǵylymı jetekshisi: t.ǵ.d., ppofeccop Japqynbaeva P.C.

---