InfoHub Logo

Men Orazaly Aı-Tańsyq Serikqyzy, Ál-Farabı atyndaǵy Qazaq ulttyq ýnıversıtetiniń tarıh, arheologıa jáne etnologıa fakúltetiniń Dúnıejúzi kafedrasynyń 2- kýrs magıstrantymyn. Adamzat balasy osy qıyndyǵy men qyzyǵy qatar júretin mynaý dúnıede qansha jyl ómir súrse de, qandaı ispen aınalyssa da ómirindegi eń bir umytylmas kezder ýnıverıstet qabyrǵasyndaǵy keremet shaqtar. Meniń Alataýdaı asqaq armanym meni Almaty shaharyna, Ál – Farabı atyndaǵy Qazaq Ulttyq ýnıversıtetine jetelep alyp kelgen edi. Men ýnıversıtettiń esigin aıqara ashqan kúnnen bastap, meniń  moınymda úlken jaýapkershiliktiń baryn sezindim. Óıtkeni osyndaı zańǵar ýnıversıtettiń stýdenti ataný árkimge buıyra bermes baq dep bilemin.

Ýnıversıtetke aıaq tiregeli beri ózimdi naǵyz telegeı teńiz bilim ordasyna, jalyndy jastardyń qataryna engenime óte qatty qýanamyn. Óıtkeni, elbasymyz Nursultan Ábishuly Nazarbaev elimiz ben bizdiń jastarymyzdyń basty baılyǵy — sapaly bilim ekenin óziniń sóılegen sózderinde birneshe ret atap kórsetken bolatyn. Osy sapaly bilimniń qara shańyraǵy, Qazaqstandaǵy bilim berý júıesiniń tiregi, eskiniń kózin kórgen, 86 jylǵa jýyq baı tarıhy jınaqtalǵan ulttyq ýnıversıtette elimizdiń túkpir túkpirinen, alys – jaqyn shet elderden kelip, oqyp jatqan stýdentter jeterlik. Búginde ál-Farabı atyndaǵy QazUÝ erekshe mártebesi bar Qazaqstannyń jetekshi ,ári álemdik bilim naryǵyndaǵy básekege qabiletti, álemdegi eń úzdik 800 ýnıversıtet arasynda 207-shi oryndy ıemdene bilgen, Qazaqstandaǵy nómeri birinshi ýnıversıtet sonymen qatar bilim men ǵylymnyń ulttyq kóshbasshysy.

Ál-Farabı atyndaǵy Qazaq ulttyq ýnıversıteti 180-nen astam gýmanıtarlyq, jaratylystaný jáne tehnıkalyq mamandyqtar boıynsha bakalavrlardy, magıstranttardy, doktoranttardy daıyndaıdy. Ýnıversıtetimizde 14 fakúltet shoǵyrlanǵan, olar: mehananıka-matematıka, fızıka, bıologıa, hımıa, fılologıa, jýrnalısıka, tarıh, geografıa, fılosofıa jáne saıasattaný, ekonomıka jáne bıznes, zań, shyǵystaný, halyqaralyq qatynastar, sheteldik azamattarǵa arnalǵan daıyndyq fakúlteti. Osy jerde bilim alatyn barsha stýdentter úshin jan-jaqty damý úshin, kóshbasshylyq qabiletti qalyptastyrý maqsatynda, óz-ózin kemeldendirip, erkin, zamanaýı damytý úshin bar jaǵdaı jasalǵan. Sol bar múmkinshilikti pıdalana bilý, ár stýdenttiń óz qolynda.

Aı-Tańsyq Serikqyzy

Ál-Fapabı atyndaǵy QazUÝ,

Tapıh, apheologıa jáne etnologıa fakúltetiniń 2-kýpc magıctpantty

---