InfoHub Logo

Alakól – Almaty men Shyǵys-Qazaqstan oblystarynyń shekarasynda ornalasqan tuzdy sý qoımasy. Bul kóldiń sýy – ejelden beri óziniń emdik qasıetterimen belgili. Alakóldi kól dep ataý qıyn, sebebi, onyń aýmaǵy teńiz sıaqty úlken.

Bizge deıin jetken málimetter boıynsha, Shyńǵys han, jaralanǵan jaýyngerlerin Alakólge emdelýge jiberip otyrǵan. Al, Keńes Odaǵy kezinde, ǵaryshkerler osy jerde radıasıadan tazarǵan

Qarap otyrsam, úlken tulǵalardyń bári osy aýyldan shyqqan. Meniń de aýylym kishkentaı bolǵanymen, óz ereksheligi bar. Alakól aýdanynyń aýmaǵynda ornalasqan, shaǵyn aýyl bolsa da, maǵan sondaı - ystyq. Eshbir qalalarǵa teńgermeımin. Ózeninde balyǵy taıdaı týlaǵan, shurqyrap jylqy sýǵa qulaǵan, qozy – laǵy mańyrap shýlatqan aýyldyń tynys tirshiliginiń ózi bir ǵanıbet emes pe? Jazda balalar Alakólge túsip, balyq aýlap demalystaryn qyzyqty ótkizedi. Aýasy qandaı! Juta bergiń keledi, juta bergiń. Qysta eki betimiz almadaı qyzaryp, bir – birimizben qar atysyp, syrǵanaq teýip máre –sáre bolyp qalamyz. Qys qyzyǵyn taýysyp aıta almaısyń ǵoı. Qaladan bunyń birin kórmeısiń. Sebebi, demalysqa qaladan kelgen jıenimiz osyndaı qyzyqtyń bárin kórgennen keıin, ketkisi kelmeı qalady. Kelesi jyly taǵy aýylǵa kelem,endi barlyq demalysymdy aýylda ótkizemin dep ketedi. Aýyl mine osyndaı. Adamdary baýyrmal, bir-birine kómekke daıyn turady. Qandaı isti bastasań da aýyldyń adamdary jabylyp, kómektesip jiberedi. Jalǵyz atyn soıyp, shapan jaýyp jiberýi de aýyl adamdaryna tán. Bizde osylaı. Mine, meniń aýylym osyndaı. Osyndaı aýylda týyp, ósip jatqanyma qýanamyn. Erteń óskende aýylymdy kórkeıtýge men de óz úlesimdi qosamyn.

Asqatqyzy Alıa

Almaty oblysy Alakól aýdany Bulaqty orta mektebiniń 6 synyp oqýshysy

---