InfoHub Logo

AQSH-nyń Aıova ýnıversıtetinen Dr. B. Adamstyń jetekshiligimen jasalǵan zertteý nátıjesinde, alma qabyǵyndaǵy ýrsol qyshqylynyń maılardy eritý jáne bulshyq etterdi nyǵaıtý ereksheliginiń aryqtaýǵa kómekshi bolatyny anyqtaldy.

Tyshqandarǵa jasalǵan tájirıbelerde almanyń bulshyq etti 15% arttyratyny jáne denedegi maılardyń jartysynan kóbin azaıtqandyǵy anyqtaldy. Ýrsol qyshqyldyń tyshqandarda bulshyq et tyǵyzdyǵyn arttyrǵanymen, jalpy dene salmaǵyn arttyrmaǵandyǵy da anyqtaldy. Osy sebepti alma aryqtaý úshin jaqsy jemis bolmaq.

Almanyń paıdalary osymen bitpeıdi. Júıeli túrde alma jeý qan shekerin, holesterındi jáne zıandy maı qyshqyldarynyń deńgeıin azaıtady. Dr. Adams almanyń ásirese ýaqyt óte kele bulshyq etteri azaıǵan qarttar úshin paıdaly ekenin, ıaǵnı atrofıa dep atalatyn bul aýrýdyń «aýrý kezde nemese kárilikte» qatty áser etetinin jáne onyń emi joq ekenin atap ótti. Atrofıa aýrýyna kedergi bola alatyn elementterdiń almanyń qabyǵynda mol bolatyndyǵy málimdendi.

Oqýǵa keńes beremiz:

Alma – shıpanyń qaınar kózi

Búgin alma jedińiz be?

---