InfoHub Logo

Bul usynys jergilikti úleske monıtorıń júrgizý jáne otandyq taýar óndirýshilerdi qoldaý boıynsha komısıanyń mindetti mektep kıimin engizý máselelerine arnalǵan kezekti otyrysynda aıtyldy.

Kásipkerler palatasy júrgizgen monıtorıń qorytyndylary boıynsha, sońǵy eki jylda 734 mekteptiń ishinde 684-i biryńǵaı mektep formasyn engizdi. Bıylǵy oqý jylynda olarǵa taǵy 30 mektep qosylǵan. Mindetti mektep formasymen barlyǵy 306 myńnan astam oqýshy qamtyldy.

«2014-2015 jyldary mektep kıiminiń baǵasy 5000-nan 12000 teńgege  deıin quraǵan. 2015-2016 jyldary - 9000-11500 teńge arasynda boldy. Ata-analardyń pikirinshe, negizgi problema matanyń sapasy men túsine qatysty bolyp otyr, sebebi birinshi jýǵannan keıin mektep formasy bastapqy túrin joǵaltyp otyrady», - dep atap ótti AKP kásipkerlerdiń quqyǵyn qorǵaý jáne ákimshilik kedergilerdi tómendetý bóliminiń sarapshysy Aıdar Qajymuqan.

Osy sebeppen kóptegen oqý mekemeleri mektep kıimine tapsyrysty «Ajar», «GLASMAN», «Symbat» sıaqty iri tigin fabrıkalaryna beredi, sebebi shaǵyn bıznestiń búkil mektep úshin kıim tigýge tehnologıalyq múmkindikteri jetkiliksiz. Osyǵan baılanysty, Almaty oblystyq kásipkerler palatasynyń dırektory Lázzat Shyńǵysbaevanyń pikirinshe, oblys óndiristik klasterdi qurýǵa muqtaj bolyp otyr. 

---