InfoHub Logo

Aqtóbe qalasy
№32 mektep gımnazıasy
5 «á» synyp oqýshysy: Tólegenov Dıas Almasuly
Jetekshisi: Kanatova Aısaýle Kanatqyzy

 

Ár adam ómirdiń mánin, onyń qundylyqtaryn túrli maǵynada elestetedi. Bireý úshin ol – kóp aqsha, ekinshiler úshin qymbat kólik nemese shetelge saıahattaý, taǵy bireýler úshin baǵasy adam qunynan da artyq áshekeı buıym. Men joǵaryda atalǵandardy ómirdiń qundylyqtary dep aıtpas edim. Sebebi olar – materıaldyq qundylyq. Keıde osy ekeýiniń arasyn ajyrata almaı, talaı adamnyń qatelesip júrgenine kýá bolamyz. Bul dúnıe búgin bar da, erteń joq. Meniń ómirimniń máni – otbasym. Olar maǵan mıllıardtaǵan aqshadan da qymbat, baǵasyna neshe karat gaýhar júzikter de jetpeıdi. Osy ómirdegi men arqa súıeıtin adamdar – ákem, anam jáne baýyrlarym. «Birinshi kórnektilik – otbasy, oshaq qasy» degendeı meniń bar baılyǵym, aı, kúnim osy jandar.

Jańa týǵan jas balaǵa aıtylatyn áldı sıaqty, men de osy kúnge deıin asyl ákem men ardaqty anamnyńqamqor áldıinde terbelip kelemin. Qazir ata-anam men úshin baryn salyp, kún-tún demeı eńbek etip júr. Meniń tamaǵymnyń toq, kóılegimniń kók bolýy úshin ýaqytpen de sanaspaıdy. Kishkentaı bolsam da ata-anamnyń maǵan kórsetken qamqorlyǵyn, otbasy jylýyn syılaǵanyn, balalyq shaǵymnyń baqytty ótip jatqanynyń sebepshisi bolǵanyn júregimmen sezinemin. Judyryqtaı júrek búgingi eńbektiń óteýin eshqashan qaıtara almasyn biledi, sebebi ananyń uıqysyz ótken bir túnin mańdaı termen tapqan mıllıon aqshaǵa da satyp ala almaısyń, ákeniń bir aqylynneshe kitap oqysań da ákedeı bere almaıtynyn bilesiń.

Jaqsy qasıetti óne boıyma syıdyryp, jaman qasıetti óz-ózime tyıdyryp adal jolmen ómir súrgizip kele jatqan ákem men anam – qos qanatym. Osy qanatym arqyly jaqsylyq kógine talmaı ushsam deımin.

---