Almatyda 12 jastaǵy výnderkınd alǵashqy semestrin úzdik tapsyrdy
Qazaqstandaǵy eń jas stýdent Abzal Myrzash alǵashqy semestrin úzdik tapsyrdy.12 jastaǵy výnderkınd qazir Qazaq-Brıtan tehnıkalyq ýnıversıtetiniń Aqparattyq tehnologıalar fakúltetiniń 1 kýrsynda oqyp jatyr. Bul týraly Abzaldyń ákesi Dáýrenbek Nysanov Feısbýktegi paraqshasynda jazdy.
«SÚIİNSHİ! Qazaq-Brıtan tehnıkalyq ýnıversıtetiniń eń jas stýdenti, 12 jastaǵy výnderkınd Abzal Myrzash，alǵashqy semestrin úzdik bitirip jáne alǵashqy sesıasyn úzdik tapsyryp, qysqy demalysqa shyqty», - dedi ákesi Dáýrenbek Nysanov.
1-kýrsta Abzal aqparattyq-komýnıkasıalyq tehnologıalar, kompúterlik sáýlet, fızıka, ınjenerlerge arnalǵan lınıalyq algebra pánderin oqydy. Zerek oqýshyny ýnıversıtet basshylyǵy emtıhansyz qabyldaǵan bolatyn.
Anasy Jazıra Doskeevanyń aıtýynsha, «výnderkınd» bala 3 jasyna jetpeı-aq, áripterdi qosyp oqı bastaǵan. Al 4 jasynda eki tańbaly sandardy kóbeıtýdi meńgergen. Erekshe qabiletiniń arqasynda ol 3, 5, 7, 9, 11 synyptardy ǵana oqyp nebári 7 jylda 12 jasynda mektep túlegi atandy. Sondaı-yq, Abzal Myrzashuly halyqaralyq, respýblıkalyq olımpıadalardyń jeńimpazy.
You Might Also Like
-
Synyp komplekti: 3 - 2 synyptar
-
Nazarbaev ýnıversıtetiniń túlekteri transformatordyń jumys qabiletin uzartý úshin qurylǵy jasap shyǵardy, dep habarlaıdy elorda ákimdiginiń medıa ortalyǵy.
