Almaty ákimi Erbolat Dosaev qala basshylyǵynda áıelderdiń kóp ekenin atap ótti. Onyń aıtýynsha, ákimdik qurylymynda jetekshi qyzmetterde jumys isteıtin áıelderdiń úlesi aıtarlyqtaı joǵary.

"Qazirgi tańda eki aýdannyń ákimi – áıel. Basqarma basshylarynyń qatarynda da áıelder kóp. Meniń orynbasarym Ásem Bekqyzy. Árıne, bizde genderlik teńdik máselesi áli tolyq sheshilgen joq, biraq ákimdikte basshylyq qyzmette áıelder bar jáne olar tabysty jumys istep jatyr," – dedi Dosaev.

Sonymen qatar, ol er adamdarǵa qaraǵanda áıelderge kóbirek senetinin, sebebi olarǵa senim artýǵa bolady dep esepteıtinin aıtty.

Almaty ákiminiń bul pikiri qoǵamda qyzý talqylanýda. Keıbiri muny genderlik teńdikti qoldaýdyń belgisi dep qabyldasa, endi bireýleri jynysqa baılanysty mundaı bólýdiń qajet emestigin aıtýda.