
- 31 naý. 2025 11:10
- 74
Almaty qalasynyń ákimi Dosaev endi eki apta saıyn Prezıdentke esep beredi
Prezıdent Qasym-Jomart Toqaev Almatyǵa sapary barysynda qala ákimi Erbolat Dosaevqa birqatar naqty tapsyrma júktedi.
Basym baǵyttar:
- Qalany jaryqtandyrýdy jaqsartý
- Páterlerge sýdy ýaqtyly ári tolyq berý
- Kósheler men aýlalardy abattandyrý
Prezıdenttiń baspasóz hatshysy Rýslan Jeldibaı habarlaǵandaı, Toqaev "Taza Qazaqstan" ekologıalyq aksıasyn turaqty ótkizý, jasyl jelekti kóbeıtý, kólik qozǵalysyn retteý, sondaı-aq halyqty mazalaıtyn ózekti máselelerdi sheshý qajettigin atap ótti.
Prezıdent tapsyrmasynyń ereksheligi – Erbolat Dosaev endi atqarylǵan jumystar men qabyldanǵan sharalar jóninde ár eki apta saıyn Toqaevqa esep berip otyrýy tıis.