InfoHub Logo

Infohub.kz: Qazaqstan Prezıdenti Qasym-Jomart Toqaev Ózbekstan basshysy Shavkat Mırzıóevti Almatyǵa saparmen kelgeni úshin jyly qarsy aldy. Ol osyndaı beıresmı kezdesýler eki el arasyndaǵy dostyq baılanystardy nyǵaıtýǵa septigin tıgizetinin atap ótti.

Memleket basshylary saıası, saýda-ekonomıkalyq, kólik-logıstıkalyq, ınvestısıalyq, energetıkalyq jáne sý resýrstary salalaryndaǵy yntymaqtastyqty damytý jaıyn jan-jaqty talqylady. Sonymen qatar, ónerkásiptik kooperasıa men týrızmdi órkendetý máseleleri qaraldy.

Ózbekstan Prezıdenti Qazaqstanǵa kelgenine rızashylyǵyn bildirip, eki el arasyndaǵy qarym-qatynastyń jańa deńgeıge kóterilgenin aıtty. Onyń pikirinshe, ózara senim men syılastyqtyń arqasynda birlesken jobalar men kelisimder sátti júzege asyrylyp jatyr.

Taraptar qazaq-ózbek strategıalyq áriptestigin odan ári nyǵaıtýǵa daıyn ekenin taǵy da rastady. Sonymen qatar, mádenı-gýmanıtarlyq yntymaqtastyqty keńeıtýge erekshe kóńil bólindi.