«Ár shatat óz bilim júıesin óz betinshe retteı alýy kerek» Prezıdent Donald Tramp AQSH Bilim mınıstrligin taratpaqshy
AQSH prezıdenti Donald Tramp Bilim mınıstrligin jabý týraly jarlyqqa qol qoıýǵa daıyndalýda. Bul týraly Infohub.kz The Wall Street Journal basylymyna siltep habarlaıdy.
Tramptyń pikirinshe, federaldyq bilim berý basqarmasy artyq búrokratıa týdyryp, búdjet qarajatyn tıimsiz jumsaıdy. Sondyqtan ol mınıstrlikti taratyp, bilim berý salasyndaǵy ókilettikterdi shtattarǵa berýdi usyndy.
Bul bastama Tramptyń 2024 jylǵy saılaýaldy baǵdarlamasynyń negizgi tarmaqtarynyń biri boldy. Ol Bilim mınıstrliginiń jumysyn shtattar deńgeıindegi departamentter de atqara alady dep sanaıdy.
"Ár shtat óz bilim júıesin óz betinshe retteı alýy kerek. Federaldy bılik bul proseske aralaspaýy tıis", – degen edi Tramp naýqan kezinde.
Alaıda mınıstrlikti taratý úshin Kongrestiń maquldaýy qajet, bul ońaı sharýa emes. Demokrattar men birqatar sarapshylar bul sheshimge qarsy shyǵyp, bilim sapasynyń tómendeý qaýpi baryn aıtýda.
Qoldaýshylar bul bastamany shtattardyń bilim berý salasyndaǵy derbestigin arttyrý múmkindigi retinde qarastyrady.
Qarsy tarap bilim berý júıesindegi standarttardyń árkelki bolatynyn, bul eldegi bilim sapasyna keri áser etýi múmkin ekenin alǵa tartady.
Muǵalimder odaqtary men quqyq qorǵaý uıymdary Bilim mınıstrligin jabý Konstıtýsıaǵa qaıshy dep sanap, sotqa shaǵym túsirdi.
Eger Kongres bul usynysty qoldasa, AQSH-taǵy bilim berý júıesi túbegeıli ózgeriske ushyraıdy. Biraq bul ózgerister oqýshylar men muǵalimder úshin qanshalyqty tıimdi bolatyny áli belgisiz.
You Might Also Like
-
Senat depýtaty,İshki ister mınıstriniń burynǵy orynbasary Marat Qojaev elimizde kólik júrgizý kýáligin alý talaptaryn qataıtý qajet dep esepteıdi. Onyń pikirinshe, qazirgi júıe júrgizýshilerdi sapaly ...
-
«Ulttyq aqparattyq tehnologıalar» kompanıasy 20 naýryz saǵat 23:00-den 21 naýryz saǵat 08:00-ge deıin eGov.kz portaly men oǵan qatysty servısterdiń ýaqytsha jumys istemeıtinin habarlady. Bul sıfrlyq...
