InfoHub Logo

Almatydaǵy Al-Farabı dańǵylynda bir top júrgizýshi qaýipti jarys uıymdastyryp, vıdeoǵa túsip qaldy. Bul týraly Infohub.kz aqparat agenttigi habarlaıdy.

Áleýmettik jelilerdi monıtorıńileý kezinde polısıa qyzmetkerleri Al-Farabı dańǵylynda bir top júrgizýshiniń qaýipti manevrler jasaǵanyn kórsetetin vıdeony anyqtady. Jazbada qarsy jolaqqa shyǵý, apattyq jaǵdaılar týdyrý, qaýipsizdik talaptaryn elemeý sıaqty óreskel buzýshylyqtar tirkelgen.

Júrgizýshiler ustaldy

Polısıanyń habarlaýynsha, izdestirý bóliminiń qyzmetkerleri barlyq qatysýshyny anyqtap, ustady. Olar qaýipti manevr jasaǵany, qarsy jolaqqa shyqqany, apattyq jaǵdaı týdyrǵany, kólik júrgizý kezinde uıaly telefon paıdalanǵany jáne qaýipsizdik beldigin taqpaǵany úshin ákimshilik jaýapkershilikke tartyldy. Bul týraly Almaty qalalyq PD ákimshilik polısıa basqarmasynyń bastyǵy Abdınýr Tasybaev málimdedi.

Polısıa mundaı áreketterdiń ómirine qaýipti ekenin atap ótti. Sondaı-aq, buzýshylyqtardyń ýaqyty men ádisine qaramastan, árbir buzýshylyq quqyqtyq baǵalanatynyn jáne kináliler jaýapqa tartylatynyn atap ótti.