f.azh.kz
Atyraý oblysynda jol boıynda júrgizýshilerge arnalǵan lazer paıda boldy
Atyraý oblysynda jol qaýipsizdigin arttyrý maqsatynda jańashyl tehnologıalar qoldanysqa engizilýde. Endi mundaǵy avtojoldarda júrgizýshilerge baǵyt-baǵdar kórsetetin arnaıy lazerlik júıe jumys isteı bastady. Bul týraly Óńirlik komýnıkasıalar qyzmeti habarlady.
Bul júıe jaryq syzyqtaryn proeksıalap, túnde nemese qolaısyz aýa raıy jaǵdaıynda joldy anyq kórýge kómektesedi. Ol joldyń jıegin jáne qozǵalys baǵytyn aıqyndap, júrgizýshilerdiń shoǵyrlanýyn arttyryp, uıqyshyldyqty azaıtýǵa septigin tıgizedi. Nátıjesinde, jol-kólik oqıǵalarynyń aldyn alýǵa yqpal etedi.
Qazirgi tańda bul lazerlik arka Atyraý oblysy aýmaǵynan ótetin KAZ09 «Aqtóbe – Qandyaǵash – Dossor – Atyraý – RF shekarasy» respýblıkalyq avtojolynyń 480-shi shaqyrymyna ornatyldy.
«QazAvtoJol» kompanıasynyń jol qozǵalysy qaýipsizdigi jáne paıdalaný bóliminiń bas mamany Álisher Nurollaevtyń aıtýynsha, lazer jasyl nemese qyzyl tústi jaryq syzyqtaryn shyǵarady. Bul tehnologıa ásirese túnde, sondaı-aq tuman, jańbyr nemese qar jaýǵan kezde jol belgileri nashar kórinetin jaǵdaılarda óte paıdaly. Sonymen qatar, jaryqtandyrý júrgizýshiniń zeıinin shoǵyrlandyryp, sharshaýyn azaıtady.
Mundaı sheshimderdi óńirde engizý Qazaqstannyń zamanaýı jáne qaýipsiz jol ınfraqurylymyn damytý jolyndaǵy mańyzdy qadam retinde qarastyrylýda.
-
Almatydaǵy Al-Farabı dańǵylynda bir top júrgizýshi qaýipti jarys uıymdastyryp, vıdeoǵa túsip qaldy. Polısıa bul jaǵdaıǵa qatysty pikir bildirdi.
-
Belsendi pedagog Aıman Saǵıdýlla bilim mınıstri Juldyz Súleımenovaǵa muǵalimder attestasıasynyń jańa erejelerine qatysty ashshy shyndyqty aıtyp, úndeý jasady.
