tengrinews.kz
Almatyda basqa óńirlerden kelgen polısıa jasaqtary nege kóbeıdi?
Almaty qalasynyń turǵyndary sońǵy kezderi qalada basqa óńirlerden kelgen polısıa jasaqtarynyń kóbeıip ketkenin baıqap, áleýmettik jelide vıdeolar tarata bastady. Ásirese, Astana, Aqmola, Qaraǵandy jáne basqa da oblystardyń nómirleri bar kólikterdiń joldarda jıi kórinýi jurtshylyqtyń nazaryn aýdardy.
Bul jaǵdaıǵa qatysty buǵan deıin messendjerlerde Almatyda aýqymdy reıdter júrgizý úshin qosymsha polısıa ekıpajdary jiberiletini týraly habarlamalar taraǵan bolatyn. İshki ister mınıstrligi mundaı tájirıbeniń bar ekenin jáne onyń el boıynsha júıeli túrde qoldanylatynyn rastady.
Vedomstvonyń málimetinshe, bul sharalardyń basty maqsaty – jol erejesin buzýshylyqtardy azaıtyp, joldardaǵy tártipti arttyrý. Barlyq tekserýler qoldanystaǵy zańnama aıasynda júrgiziledi.
Aıta keteıik, buǵan deıin Almatyda rezonansty jol-kólik oqıǵasy bolǵan edi. Qala ákimdigi men polısıa basshylyǵyna qatysty daýlar men tergeýler de osy jaǵdaılarǵa baılanysty boldy.
-
Fýtboldan Qazaqstan ulttyq quramasy FIFA Series týrnırindegi jeńisinen keıin FIFA reıtıńisinde tórt satyǵa kóterildi.
-
Ózbekstan ózderiniń alǵashqy atom elektr stansıasynyń qurylysyn bastady. Bul joba Qazaqstan men Ortalyq Azıanyń energetıkalyq damýyna qalaı áser etýi múmkin?
